ముంబై ఇండియన్స్ తోనే సచిన్, భజ్జీ: పంజాబ్ జట్టుకు ఊరట

ముంబై: వచ్చే రెండు సీజన్లకు తాము సచిన్ టెండూల్కర్, హర్భజన్ సింగ్, వెస్టిండీస్ కు చెందిన కీరోన్ పోలార్డ్, శ్రీలంకకు చెందిన లాసిత్ మలింగాలను కొనసాగిస్తున్నట్లు ముంబై ఇండియన్స్ ఫ్రాంచైజీ బిసిసిఐకి చెందిన ఇండియన్ ప్రీమియర్ లీగ్ (ఐపియల్)కు తెలిపింది. వారిని తమ జట్టులో ఆ నలుగురు ఆటగాళ్లు ఉంటారని ముంబై ఇండియన్స్ అధికార ప్రతినిధి తెలిపారు. ఐపియల్ పాలక మండలి నిర్ణయం ప్రకారం తమకు ఒక్కరి కన్నా ఆటగాళ్లను కలిగి ఉండే హక్కు ఉందని కూడా ఆ ప్రతినిధి అన్నారు.

కాగా, కింగ్స్ ఎలెవన్ పంజాబ్ ఫ్రాంచైజీకి తాత్కాలిక ఊరట లభించింది. ఈ ఫ్రాంచైజీపై బిసిసిఐ నిషేధం విధించిన విషయం తెలిసిందే. ఈ జట్టును కొనసాగించాలని బొంబాయి హైకోర్టు ఆదేశాలు జారీ చేసింది. అయితే, షేర్ హోల్డింగ్ పద్ధతిని కొనసాగించడం, ఆటగాళ్ల భద్రత కోసం బిసిసిఐకి ఫీజు చెల్లించడం వంటి నిబంధనలను పాటించాలని కోర్టు ఫ్రాంచైజీకి ఆదేశాలు జారీ చేసింది.