యూఏఈ ILT20‌లో భీకర ప్లేయర్లతో బరిలోకి ఎంఐ ఎమిరేట్స్.. ఆకాష్ అంబానీ సంతోషం.. జట్టు ఇదే

అబుదాబి బేస్డ్‌గా ఎంఐ ఎమిరేట్స్

ఎంఐ తన ప్రకటనలో.. 'MI ఎమిరేట్స్ UAEలో జరగబోయే ఇంటర్నేషనల్ లీగ్ T20 ప్రారంభ ఎడిషన్‌కు జట్టును ప్రకటిస్తోంది. ఈ జట్టు అబుదాబి బేస్డ్‌గా ఉంటుంది. టీంలో కొందరు ప్రస్తుత మరియు గత ముంబై ఆటగాళ్లు అలాగే కొందరు కొత్త ఆటగాళ్లు ఉన్నారు. కీరన్ పొలార్డ్, డ్వేన్ బ్రావో, నికోలస్ పూరన్, ట్రెంట్ బౌల్ట్ ప్రారంభ ఎడిషన్‌కు ముందు ఎంఐ ఎమిరేట్స్‌లో చేరడానికి సిద్ధంగా ఉన్నారు. ఎంఐ యొక్క ఐకానిక్ బ్లూ మరియు గోల్డ్‌ జెర్సీలో తమ మెరుపులు త్వరలోనే చూపించబోతున్నారు' అని పేర్కొంది.

ఎంఐ ఎమిరేట్స్ తరఫున ఆడే ఆటగాళ్ల పూర్తి జాబితా:

కీరన్ పొలార్డ్, డ్వేన్ బ్రావో, నికోలస్ పూరన్, ట్రెంట్ బౌల్ట్, ఆండ్రీ ఫ్లెచర్, ఇమ్రాన్ తాహిర్, సమిత్ పటేల్, విల్ స్మీడ్, జోర్డాన్ థాంప్సన్, నజీబుల్లా జద్రాన్, జహీర్ ఖాన్, ఫజల్హాక్ ఫరూకీ, బ్రాడ్లీ వీల్, బాస్ డి లీడే.

పొలార్డ్‌ జట్టులో ఉండడం ఆనందాన్నిస్తోంది

రిలయన్స్ జియో మరియు ఎంఐ ఎమిరేట్స్ ఛైర్మన్ ఆకాష్ అంబానీ 14మంది ఆటగాళ్లను జట్టులో తీసుకోవడం పట్ల తన సంతోషం వ్యక్తం చేశాడు. పొలార్డ్‌ ముంబై జట్టులో ఓ కీలక ప్లేయర్ అని ప్రశంసించాడు. పొలార్డ్ సేవలను ఎంఐ ఎమిరేట్స్‌లో నిలుపుకున్నందుకు చాలా ఆనందంగా ఉందన్నాడు. MI ఎమిరేట్స్‌ జట్టుకు ఎంపికైన ఆటగాళ్లందరికీ సాదర స్వాగతం చెబుతున్నట్లు తెలిపాడు. అనుభవమున్న ప్లేయర్లను, యువ ప్రతిభావంతులను ఒకే చోట చేర్చి జట్టుకు సమతూకం తెచ్చేలా పెట్టుబడి పెట్టడం ఎంఐ పద్ధతి అని తెలిపాడు. ఎంఐ తరహాలో ఎంఐ ఎమిరేట్స్ కూడా ఆడుతుందని ఆశిస్తున్నాం అని ఆకాష్ పేర్కొన్నాడు.