మానసిక ఆరోగ్యం ఒక సవాల్, సమతుల్యతను కాపాడుకోవడం ముఖ్యం: రాహుల్ ద్రవిడ్

ఒత్తిడిని అధిమించేందుకు

"కొన్ని రోజులు ఆడిన తర్వాత ఎక్కువ కాలం ఎదురుచూస్తూ, ఆలోచిస్తూ గడపాలి. మైదానంలో, బయటా ఒత్తిడిని అధిమించేందుకు నిన్ను నువ్వే కాపాడుకోవాలి. మానసిక ఆరోగ్యాన్నీ రక్షించుకోవాలి. ఈ విషయంపైనే కుర్రాళ్లతో మనం ఎక్కువగా మాట్లాడాలి. చేసే ప్రతి పనిలో సరైన స్థాయిలో సమతూకం అవసరం" అని ద్రవిడ్ పేర్కొన్నాడు.

ఎన్‌సీఏ డైరెక్టర్‌గా

ఎన్‌సీఏ డైరెక్టర్‌గా అలాంటి వ్యవస్థను నెలకొల్పేందుకు తాను ప్రయత్నిస్తున్నానని ద్రవిడ్‌ చెప్పుకొచ్చాడు. ఇందులో భాగంగా ఎన్‌సీఏలో ఒక మానసిక నిపుణుడు ఉండాలన్న నిర్ణయానికి వచ్చామని తెలిపాడు. ఎందుకంటే అలాంటి సమస్యలను నిపుణులైతేనే సమర్థవంతంగా నయం చేయగలని ద్రవిడ్ పేర్కొన్నాడు.

మానసిక సమస్యల కారణంగా

కాగా, మానసిక సమస్యల కారణంగా ఆస్ట్రేలియా ఆల్ రౌండర్ గ్లెన్ మ్యాక్స్ వెల్ క్రికెట్ కు తాత్కాలిక విరామం ప్రకటించిన సంగతి తెలిసిందే. ఆస్ట్రేలియా జట్టు సైకాలజిస్ట్ డాక్టర్ మైఖేల్ లాయిడ్ మాట్లాడుతూ "మానసికంగా మ్యాక్స్‌వెల్ కొన్ని ఇబ్బందులు ఎదుర్కొంటున్నాడు. ఈ కారణంగా కొంత కాలం పాటు క్రికెట్‌కు అతను దూరమవుతున్నాడు" అని తెలిపాడు.

మ్యాక్స్‌వెల్‌కు బాసటగా నిలిచిన కోహ్లీ

ఇలా మానసిక సమస్యల కారణంగా మ్యాక్స్‌వెల్ క్రికెట్‌కు తాత్కాలిక విరామం ప్రకటించడాన్ని టీమిండియా కెప్టెన్ విరాట్ కోహ్లీ సైతం సమర్ధించాడు. మానసిక ఆరోగ్య పరిస్థితి సరిగ్గా లేనందున క్రికెట్‌కు విరామం ప్రకటించిన మ్యాక్స్‌ వెల్‌ నిర్ణయం అసాధారనమైదని ప్రశంసించాడు. అలా చెప్పడానికి, విరామం నిర్ణయం తీసుకోవాలంటే చాలా ధైర్యం ఉండాలని కోహ్లీ పేర్కొన్నాడు.