ఆమ్లా రికార్డు బద్దలు: చరిత్ర సృష్టించిన మెగ్ లానింగ్

మెగ్ లానింగ్ అరుదైన ఘనత

దీంతో వన్డేల్లో అత్యంత వేగంగా ఈ ఘనత సాధించిన క్రికెటర్‌గా మెగ్ లానింగ్ అరుదైన ఘనత సాధించారు. కేవలం 76 ఇన్నింగ్స్‌ల్లోనే మెగ్ లానింగ్ 13వ వన్డే సెంచరీ సాధించింది. ఈ క్రమంలో గతంలో దక్షిణాఫ్రికా క్రికెటర్‌ హషీమ్‌ ఆమ్లా 83 ఇన్నింగ్స్‌లో 13 సెంచరీలతో నమోదు చేసిన రికార్డుని ఇప్పుడు మెగ్ లానింగ్ బద్దలు కొట్టింది.

అలైసా హీలే సైతం సెంచరీ

ఈ మ్యాచ్‌లో మెగ్‌ లానింగ్‌ సెంచరీకి తోడు అలైసా హీలే(122) సెంచరీతో సాధించడంతో ఆస్ట్రేలియా భారీ స్కోరు సాధించింది. అలైసా హీలే 95 బంతుల్లోనే సెంచరీ సాధించింది. సెంచరీ అనంతరం మరింత దూకుడుగా ఆడే క్రమంలో 39వ ఓవర్‌లో పెవిలియన్‌కు చేరింది. అనంతరం 309 పరుగుల లక్ష్య ఛేదనతో బరిలోకి దిగిన విండీస్‌ జట్టు 178 పరుగుల తేడాతో ఓడిపోయింది.

8 పరుగులకే 3 వికెట్లు

మొదటి రెండు ఓవర్లలోనే వెస్టిండిస్ జట్టు 8 పరుగులకే 3 వికెట్లు కోల్పోయి కష్టాల్లో పడింది. దీంతో 37.3 ఓవర్లలో విండీస్‌ తొమ్మిది వికెట్ల నష్టానికి 130 పరుగులు చేసి ఆలౌటైంది. ఇదిలా ఉంటే, మహిళల టీ20ల్లో అత్యధిక వ్యక్తిగత స్కోరు రికార్డు కూడా లానింగ్‌ పేరిటే ఉంది. ఈ ఏడాది జూలైలో ఇంగ్లాండ్‌తో జరిగిన టీ20లో లానింగ్‌ 133 పరుగులు చేశారు.