దాదా కెప్టెన్సీకి బుచానన్ ఎసరు

న్యూఢిల్లీ: దాదా కెప్టెన్సీకి ఎసరు పెట్టిన కోచ్ బుచానన్ వెనక్కి తగ్గేట్లు లేరు. దక్కన్ చార్జర్స్ తో ఈ నెల 19వ తేదీన జరిగే ఇండియన్ ప్రీమియం లీగ్ (ఐపియల్) తొలి మ్యాచ్ కు కోల్ కత్తా నైట్ రైడర్స్ జట్టు నాయకత్వ బాధ్యతల నుంచి సౌరవ్ గంగూలీని తప్పించబోతున్నారు. ఆయన స్థానంలో మెక్ క్యులంను కెప్టెన్ గా నియమించే అవకాశాలున్నాయి.

నిరుడు నైట్ రైడర్స్ కెప్టెన్ గా సౌరవ్ గంగూలీ వ్యవహరించాడు. జట్టుకు ఒకే కెప్టెన్ ఉండబోడని ఇటీవల బుచానన్ ప్రకటించి సంచలనం సృష్టించాడు. ఆ ప్రకటన గంగూలీకి తీవ్రమైన ఆగ్రహం తెప్పించింది. దాంతో జట్టు యజమాని షారూఖ్ ఖాన్ రంగంలోకి దిగాల్సి వచ్చింది. గంగూలీ చల్లబడినప్పటికీ బుచానన్ తన ఎత్తుగడలను మానుకోలేదని తాజా సంఘటన తెలియజేస్తోంది.