Click it and Unblock the Notifications
'అనుకోలేదు.. 37 ఫోన్లు, 300 మెసేజ్లు చూసి షాక్'
హైదరాబాద్: ఇండియన్ ప్రీమియర్ లీగ్ నిర్వహకులకు సొమ్ములు తెచ్చిపెడుతుండటంతో పాటు.. ఎంతో మంది యువ క్రికెటర్లకు మంచి ప్రోత్సాహాన్నిస్తోంది. ఈ క్రమంలో ఐపీఎల్లో రాణించిన క్రికెటర్లు అంతర్జాతీయ క్రికెట్లోనూ అద్భుతంగా రాణిస్తున్నారు. ప్రస్తుత ఐపీఎల్ సీజన్లో ఎక్కువగా వినిపిస్తోన్న పేరు మయాంక్ మార్కండే. ఈ సీజన్ కోసం నిర్వహించిన వేలంలో మయాంక్ను ముంబై ఇండియన్స్ రూ.20లక్షలకు దక్కించుకుంది.
ఐపీఎల్ లోకి తీసుకుంటారనుకోలేదు:
అరంగేట్రం ఐపీఎల్ సీజన్లోనే మయాంక్ అదరగొడుతూ అందరి దృష్టిని ఆకర్షిస్తున్నాడు. ఇప్పటి వరకూ ముంబై ఇండియన్స్ ఆడిన నాలుగు మ్యాచ్ల్లోనూ మయాంక్ ఫైనల్ జట్టులో చోటు దక్కించుకోవడం విశేషం. దీంతో పాటు తన ఖాతాలో 8 వికెట్లను వేసుకుని అత్యధిక వికెట్లు తీసిన ఆటగాడికి ఇచ్చే పర్పుల్ క్యాప్ను సైతం అందుకున్నాడు. తాజాగా మయాంక్ ఈ ఐపీఎల్ సీజన్ కోసం జనవరిలో వేలం నిర్వహించిన రోజుల్ని గుర్తు చేసుకున్నాడు.
37 ఫోన్లు, 300 మెసేజ్లు:
అప్పుడు పంజాబ్ జట్టు తరఫున అండర్ -23 గేమ్ ఆడుతున్నాను. మ్యాచ్ జరిగే రోజుల్లో ఆటగాళ్లు మైదానంలోకి ఫోన్లు తీసుకెళ్లకూడదు. సాయంత్రం మ్యాచ్ అనంతరం ఫోన్ను ఆన్ చేశాను. అంతే వరుసగా ఫోన్కు మెసేజ్లు, మిస్డ్ కాల్స్ వస్తూనే ఉన్నాయి. 37 ఫోన్లు, 300 మెసేజ్లు వచ్చాయి.
నేను నమ్మలేదు:
స్నేహితులు ఫోన్ చేసి ఐపీఎల్ 11కు సెలక్ట్ అయ్యావ్. ముంబై ఇండియన్స్ నన్ను దక్కించుకుందని చెప్పారు. కానీ, నేను నమ్మలేదు. ఆ తర్వాత ముంబై ఇండియన్స్ టీమ్ మేనేజర్ రాహుల్ సంఘ్వీ ఫోన్ చేశారు. అప్పుడు నమ్మాను' అని మయాంక్ నవ్వుతూ చెప్పుకొచ్చాడు.
వేలంలో కొనుక్కుంటారని అనుకోలేదు:
వేలానికి ముందు ముంబై ఇండియన్స్ నిర్వహించిన ట్రయల్స్లో పాల్గొన్నాను. వేలంలో నన్ను కొనుక్కుంటారని మాత్రం అనుకోలేదు. ముంబై ఇండియన్స్ తరఫున, ఐపీఎల్లో బాగా రాణించాలి. ప్రస్తుతం ఇదే నా ముందున్న లక్ష్యం' అని మయాంక్ తెలిపాడు.
Story first published: Friday, April 20, 2018, 15:42 [IST]
Other articles published on Apr 20, 2018
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+