హైదరాబాద్: హోబర్ట్ వేదికగా బుధవారం ఇంగ్లాండ్తో జరిగిన ముక్కోణపు సిరీస్ రెండో టీ20 మ్యాచ్లో ఆస్ట్రేలియా 5 వికెట్ల తేడాతో విజయం సాధించింది. ఈ మ్యాచ్లో ఆస్ట్రేలియా బ్యాట్స్మన్ గ్లెన్ మ్యాక్స్వెల్ విధ్వంసకర ఇన్నింగ్స్ ఆడాడు. 58 బంతుల్లో 10 ఫోర్లు, 4 సిక్స్ల సాయంతో 103 నాటౌట్గా నిలిచి జట్టు విజయంలో కీలకపాత్ర పోషించాడు.
ఇంగ్లాండ్ Vs ఆస్ట్రేలియా టీ20 స్కోరుకార్డు
What a guy.#AUSvENG pic.twitter.com/HFOXvcFNwV
— cricket.com.au (@CricketAus) February 7, 2018
ఈ మ్యాచ్లో తొలుత బ్యాటింగ్ చేసిన ఇంగ్లాండ్ నిర్ణీత ఓవర్లలో 9 వికెట్లు కోల్పోయి 155 పరుగులు చేసింది. ఒకానొక దశలో 14 ఓవర్లు ముగిసే సరికి 122/4తో పటిష్టంగా ఉన్న ఇంగ్లాండ్ ఆ తర్వాత 33 పరుగుల వ్యవధిలో 6 వికెట్లు కోల్పోయింది. ఇంగ్లండ్ ఇన్నింగ్స్లో మలాన్ (50) ఒక్కడే హాఫ్ సెంచరీతో రాణించాడు.
మాక్స్వెల్ (3/10), అగర్ (2/15) ఇంగ్లాండ్ను దెబ్బతీశారు. అనంతరం 156 పరుగుల లక్ష్యంతో బరిలోకి దిగిన ఆస్ట్రేలియా ఇన్నింగ్స్లో మ్యాక్స్వెల్ ఆటే హైలైట్గా నిలిచింది. ఒకవైపు సహచరులు పెవిలియన్ చేరుతున్నా తన వీరోచితి ఇన్నింగ్స్తో మ్యాక్స్వెల్ ఒంటి చేత్తో మ్యాచ్ని గెలిపించాడు.
Glenn Maxwell launches a six to bring up an incredible ton and seal victory for Australia. What a moment! https://t.co/ZuXERCKTBo #AUSvENG pic.twitter.com/LHvvu6fQAd
— cricket.com.au (@CricketAus) February 7, 2018
సిక్స్తో సెంచరీ పూర్తి చేసిన మ్యాక్స్వెల్ మరో 9 బంతులు మిగిలుండగానే ఆసీస్ను విజయ తీరాలకు చేర్చాడు. టి20ల్లో మ్యాక్స్వెల్కు ఇది రెండో సెంచరీ. 18.3 ఓవర్లలో 5 వికెట్లు కోల్పోయి ఆసీస్ లక్ష్యాన్ని ఛేదించింది.
Watch THAT @Gmaxi_32 six from every angle with commentary from @abcgrandstand, @MRNCricket and @wwos! #AUSvENG pic.twitter.com/iiMRI0gH2O
— cricket.com.au (@CricketAus) February 8, 2018
తెలుగులో అన్ని క్రీడావార్తల కోసం 'మై-ఖేల్ తెలుగు'ను ఫేస్బుక్, ట్విటర్ , గూగుల్ ప్లస్లో ఫాలో అవ్వండి.