'బేబి సిట్టర్' యాడ్: సెహ్వాగ్‌కు ట్విట్టర్‌లో వార్నింగ్ ఇచ్చిన హెడెన్ (వీడియో)

భారత పర్యటనకు ఆస్ట్రేలియా

ఫిబ్రవరి 24వ తేదీ నుంచి భారత పర్యటనకు ఆస్ట్రేలియా రానున్న నేపథ్యంలో స్టార్‌ స్పోర్ట్స్‌ ఈ యాడ్‌ని రూపొందించింది. ఆ యాడ్‌లో టీమిండియా మాజీ డాషింగ్ ఓపెనర్ వీరేంద్ర సెహ్వాగ్ బేబీసిట్టర్‌ అవతారం ఎత్తాడు. ఈ వీడియోను స్టార్‌ స్పోర్ట్స్‌ రెండు రోజుల క్రితం యూట్యూబ్‌తో పాటు సోషల్ మీడియాలో విడుదల చేసింది. దీంతో ఈ వీడియో తెగ వైరల్‌ అయింది.

మాథ్యూ హేడెన్‌‌కు గట్టి హెచ్చరిక

అయితే, ఈ వీడియోపై ఆస్ట్రేలియా దిగ్గజ ఆటగాడు మాథ్యూ హేడెన్‌‌కు గట్టి హెచ్చరిక చేశాడు. ప్రధానంగా ఆస్ట్రేలియా జట్టు జెర్సీలతో యాడ్‌ చేయడంపై అసంతృప్తి వ్యక్తం చేశాడు. ఈ క్రమంలోనే ఆసీస్‌ను తేలిగ్గా తీసుకోవద్దు వీరూ అంటూ తన ట్విట్టర్‌లో ట్వీట్ చేశాడు. వరల్డ్‌కప్‌ వంటి మెగాటోర్నీలో ఎవరు బేబీ సిట్టర్స్‌ అనే విషయాన్ని గుర్తుంచుకోవాలని అన్నాడు.

ఆసీస్ ఏమీ పసికూన కాదు

ఆస్ట్రేలియా ఏమీ పసికూన కాదనే సంగతిని ఈ సందర్భంగా గుర్తుంచుకోవాలని అన్నాడు. ఈ మేరకు తన ట్విటర్‌‌లో స్పందించిన హెడెన్.. యూడ్‌ను రూపొందించిన స్టార్‌ స్పోర్ట్స్‌తో పాటు యాడ్‌లో నటించిన టీమిండియా మాజీ డాషింగ్ ఓపెనర్ వీరేంద్ర సెహ్వాగ్‌ను ట్యాగ్‌ చేశాడు. ఆస్ట్రేలియా జట్టు భారత పర్యటనలో భాగంగా రెండు టీ20లు, ఐదు వన్డేలు ఆడనుంది.