|
కొత్త సంవత్సరంలో అదే ఫామ్
అదే ఫామ్ను కొత్త సంవత్సరంలో కూడా కొనసాగిస్తున్నాడు. 283/3 ఓవర్నైట్ స్కోరుతో రెండో రోజైన శనివారం ఇన్నింగ్స్ను కొనసాగించిన ఆస్ట్రేలియా మరో ఐదు పరుగులు జోడించిన తర్వాత మాథ్యవేడ్(22) వికెట్ను కోల్పోయింది. ఆ తర్వాత క్రీజులోకి వచ్చిన ట్రావిస్ హెడ్తో కలిసి లబుషేన్ ఇన్నింగ్స్ను నడిపించాడు.
జట్టు స్కోరు 331 పరుగుల వద్ద
జట్టు స్కోరు 331 పరుగుల వద్ద ట్రావిస్ హెడ్(10) ఐదో వికెట్గా పెవిలియన్ చేరాడు. ఆ తర్వాత లబుషేన్ డబుల్ సెంచరీ సాధించాడు. ఫలితంగా ఈ ఏడాది టెస్టుల్లో డబుల్ సెంచరీ సాధించిన తొలి ఆటగాడిగా లబుషేన్ అరుదైన రికార్డుని తన ఖాతాలో వేసుకున్నాడు. లబుషేన్తో కలిసి 79 పరుగులు జత చేసిన తర్వాత పైన్(35) ఔటయ్యాడు.
డబుల్ సెంచరీ తర్వాత
డబుల్ సెంచరీ తర్వాత దూకుడుగా ఆడే క్రమంలో లబుషేన్(215) ఆస్టల్ బౌలింగ్లో ఔటయ్యాడు. అయితే, ఈ క్రమంలో లబుషేన్ ఖాతాలో ఓ రికార్డు వచ్చి చేరింది. ఐదు టెస్టుల సిరీస్లో సగటున అత్యధిక పరుగులు చేసిన ఆస్ట్రేలియన్గా లబుషేన్ నిలిచాడు. లబుషేన్ 837 పరుగులు చేయగా, మాజీ ప్లేయర్లు నీల్ హార్వే 834, బ్రాడ్మాన్ రెండు సార్లు 810, 806 పరుగులు చేశారు.
తొలి ఇన్నింగ్స్లో ఆసీస్ 454 ఆలౌట్
ఇక, టెస్టుల్లో లబుషేన్ బ్యాటింగ్ యావరేజి 63.63గా నమోదైంది. లబుషేన్ ఔటైన తర్వాత చివర్లో మిచెల్ స్టార్క్(22) బ్యాట్ ఝుళిపించడంతో ఆస్ట్రేలియా తన తొలి ఇన్నింగ్స్లో 454 పరుగులకు ఆలౌటైంది.