వారెవ్వా కోహ్లీ: 'రన్ మెషీన్' కొత్త రికార్డులు ఇవే..

బెంగళూరు: ఫైనల్లో సన్ రైజర్స్ హైదరాబాద్ చేతిలో రాయల్ ఛాలెంజర్స్ బెంగళూరు ఖంగుతిన్నది. రన్నరప్‌తో సరిపెట్టుకుంది. అయితే, ఐపీఎల్ 9లో బెంగళూరు కెప్టెన్ విరాట్ కోహ్లీ మాత్రం అద్భుతంగా రాణించాడు. అందరి ప్రశంసలు అందుకుంటున్నాడు. ఈ ఐపీఎల్లో కోహ్లీ ఎన్నో రికార్డులు బద్దలు కొట్టాడు.

ఈ ఐపీఎల్ మ్యాచులో కోహ్లీ నాలుగు సెంచరీలు కొట్టాడు. ఆరెంజ్ క్యాప్ సొంతం చేసుకున్నాడు. ఈ ఐపీఎల్లో విరాట్ కోహ్లీ సాధించిన రికార్డులు...

ఓ ఐపీఎల్‌లో అత్యధిక సిక్సులు: ఇప్పటి వరకు 9 ఐపీఎల్‌లు జరిగాయి. ఐపీఎల్ 9లో మాత్రం కోహ్లీ 973 పరుగులు చేశాడు. ఇప్పటి వరకు ఏ ఐపీఎల్లోను వ్యక్తిగతంగా ఇన్ని పరుగులు చేయలేదు. కేవలం 27 పరుగులు తగ్గడంతో వెయ్యి పరుగుల మైలురాయిన అందుకోలేకపోయాడు.

ట్వంటీ 20, లిమిటెడ్ ఓవర్లలో అత్యధిక పరుగులు: పదహారు ఇన్నింగ్సులలో విరాట్ కోహ్లీ 973 పరుగులు చేశాడు. ట్వంటీ 20 లేదా లిమిటెడ్ ఓవర్స్ మ్యాచులలో ఇలాంటి ఘనత ఇంత వరకు ఏ బ్యాట్సుమెన్ సాధించలేదు.

ఐపీఎల్‌లో అత్యధిక పరుగులు: అన్ని ఐపీఎల్‌లలో కలిపి అత్యధిక పరుగులు చేసిన వారి జాబితాలో కోహ్లీ ముందున్నాడు. ఇతను 4,110 పరుగులు చేశాడు. ఐపీఎల్ హిస్టరీలో ఇన్ని వ్యక్తిగత పరుగులు చేసిన వారు లేరు.

అత్యధిక సెంచరీలు: ఈ ఐపీఎల్లో విరాట్ కోహ్లీ నాలుగు సెంచరీలు కొట్టాడు. ఇది రికార్డ్. ఓ ఐపీఎల్ సీజన్లో ఇన్ని సెంచరీలు ఎవరూ చేయలేదు.

ఓ ఓవర్లో అత్యధిక పరుగులు: ఓ ఓవర్లో అంటే.. ఆరు బంతుల్లో అత్యధిక పరుగులు చేసిన క్రికెటర్ విరాట్ కోహ్లీ. ఇతను గుజరాత్ లయన్స్ పైన శివిల్ కౌశిక్ బౌలింగులో ఏకంగా 30 పరుగులు తీశాడు.

అత్యధిక సిక్సులు: ఐపీఎల్ 9లో విరాట్ కోహ్లీ 38 సిక్సులు కొట్టాడు. ఇన్ని సిక్సులు ఎవరూ కొట్టలేదు.

అత్యధిక సగటు: కోహ్లీ యావరేజ్ 81.08గా ఉంది.

500 కంటే ఎక్కువ పరుగులు చేసిన కెప్టెన్: మూడు ఐపీఎల్‌లలో 500 పరుగులకు పైగా చేసిన ఓ కెప్టెన్ విరాట్ కోహ్లీ మాత్రమే. 2013లో 634 పరుగులు, 2015లో 505 పరుగులు, 2016లో 973 పరుగులు చేశాడు.

ట్వంటీ20లోని అన్ని ఫార్మాట్లలో ఇప్పటి వరకు 6445 పరుగులు చేశాడు. ఇన్ని పరుగులు చేసిన భారత క్రికెటర్ కోహ్లీయే.