4 ఓవర్లలో 81 రన్స్.. అరంగేట్రంలోనే చెత్త రికార్డు!

Worst Record: ఐర్లాండ్ జట్టు ఫాస్ట్ బౌలర్ లియామ్ మెక్‌కార్తీ ఆదివారం వెస్టిండీస్‌తో జరిగిన మ్యాచ్ ద్వారా అంతర్జాతీయ టీ20ల్లో అరంగేట్రం చేశాడు. లియామ్ మెక్‌కార్తీ టీ20 చరిత్రలోనే రెండో అత్యంత చెత్త బౌలింగ్ రికార్డును నమోదు చేశాడు. అయితే ఈ అరంగేట్ర మ్యాచ్ అతనికి ఓ పీడకలగా మారింది. ఐర్లాండ్‌‌లోని బ్రెడీ నగరంలో జరిగిన ఈ మ్యాచ్‌లో అతను వేసిన 4 ఓవర్ల కోటాలో ఏకంగా 81 పరుగులు ఇచ్చాడు.

దీంతో టీ20లలో అత్యధిక పరుగులు సమర్పించుకున్న రెండో బౌలర్‌గా లియామ్ మెక్‌కార్తీ చెత్త రికార్డును తన పేరిట లిఖించుకున్నాడు. ఈ లిస్ట్‌లో గాంబియాకు చెందిన మూసా జోబర్తే 93 పరుగులతో మొదటి స్థానంలో ఉన్నాడు. జింబాబ్వేపై మూసా జోబర్తే ఈ చెత్త రికార్డును మూటగట్టుకున్నాడు. అతని తర్వాత లియామ్ మెక్‌కార్తీ రెండో స్థానంలో నిలిచాడు.

ఈ మ్యాచ్‌లో ఐర్లాండ్ కెప్టెన్ పాల్ స్టిర్లింగ్ టాస్ గెలిచి మొదట బౌలింగ్ ఎంచుకున్నాడు. ఈ క్రమంలో వెస్టిండిస్ బ్యాటర్లు లియామ్ మెక్‌కార్తీని లక్ష్యంగా చేసుకున్నారు. ఈ మ్యాచ్‌లో వెస్ట్ ఇండీస్ జట్టు బ్యాటింగ్ చేస్తున్నప్పుడు, ఐదో ఓవర్‌లో లియామ్ మెక్‌కార్తీకి బౌలింగ్ అప్పగించారు.అతను వేసిన మొదటి రెండు బంతుల్లో షాయ్ హోప్ రెండు సిక్సర్లు కొట్టాడు. ఆ తర్వాత, నాలుగో, ఐదో బంతుల్లో ఈవిన్ లూయిస్ రెండు ఫోర్లు కొట్టాడు. అతని మొదటి ఓవర్‌లోనే వెస్ట్ ఇండీస్ జట్టు 21 పరుగులు చేసింది.

అతని రెండో ఓవర్‌లో ఈవిన్ లూయిస్ ఒక సిక్స్, 3 ఫోర్లు కొట్టాడు. అదే ఓవర్ చివరి బంతికి షాయ్ హోప్ ఒక ఫోర్ కొట్టాడు. ఆ ఓవర్‌లో వెస్ట్ ఇండీస్ జట్టు 24 పరుగులు చేసింది. తర్వాత అతని మూడో ఓవర్‌లో 18 పరుగులు వచ్చాయి. అతని చివరి ఓవర్‌లో ఒక ఫోర్, రెండు సిక్సర్లు కొట్టబడ్డాయి. దీని ద్వారా లియామ్ మెక్‌కార్తీ నాలుగు ఓవర్లలో 81 పరుగులు సమర్పించుకున్నాడు.

దీనికి ముందు, గాంబియా దేశానికి చెందిన మూసా జోబర్డే 4 ఓవర్లలో 93 పరుగులు ఇచ్చాడు. ఈ చెత్త రికార్డును జింబాబ్వే జట్టుతో జరిగిన మ్యాచ్‌లో అతను సాధించాడు. ఇదే అంతర్జాతీయ టీ20 క్రికెట్‌లో అత్యంత చెత్త బౌలింగ్ ప్రదర్శనగా ఉంది. ప్రస్తుతం ఐర్లాండ్ జట్టు లియామ్ మెక్‌కార్తీ నాలుగు ఓవర్లలో 81 పరుగులు ఇవ్వడం ద్వారా రెండో అత్యంత చెత్త టీ20 బౌలింగ్ రికార్డును నమోదు చేశాడు.ఈ మ్యాచ్‌లో వెస్టిండీస్ జట్టు ధాటిగా ఆడింది. 20 ఓవర్లలో 5 వికెట్ల నష్టానికి 256 పరుగులు చేసింది. తర్వాత ఆడిన ఐర్లాండ్ జట్టు 20 ఓవర్లలో 7 వికెట్ల నష్టానికి 194 పరుగులు మాత్రమే చేసింది.