నాయకత్వం అనేది ఫలితాల ద్వారా నిర్ణయించబడదు: కేన్‌కు కోహ్లీ మద్దతు

జట్టు కోసం నేను ఏమి చేయగలను

"నేను చెప్పే విషయం ఒకటే, జట్టు కోసం నేను ఏమి చేయగలను... జట్టును ముందుండి నడిపించడానికి కావాల్సిన విషయాలపై దృష్టి పెడతాను. నాయకత్వం ఎప్పుడూ ఫలితాల ద్వారా నిర్ణయించబడుతుందని నేను అనుకోను. ఇది మీరు జట్టును ఎలా సమకూర్చుకోగలరో.. మీ కింద పనిచేసే వారిని ఎలా పొందగలరో అనే దానిపై ఆధారపడి ఉంటుంది" అని అన్నాడు.

కేన్ అద్భుతంగా చేస్తున్నాడు

"సారథిగా కేన్ విలియమ్సన్‌ జట్టును నడిపించే తీరు బాగుంటుంది. జట్టులోని సభ్యులకే గౌరవం ఇవ్వడంతో పాటు వారిపై నమ్మకం కూడా ఉంచుతాడు. నేను చూడగలుగుతున్నది ఒక్కటే అతను చాలా చాలా తెలివైన క్రికెటర్" అని స్టప్.కో అనే న్యూజిలాండ్ వైబ్‌సైబ్‌తో అన్నాడు.

ప్రత్యర్ధి జట్టు మీపై గెలిస్తే

"ప్రత్యర్ధి జట్టు మీపై గెలిస్తే .. దానిని మీరు సమిష్టి వైఫల్యంగా అంగీకరించాలి. అంతేతప్ప నాయకత్వం లేదా కెప్టెన్సీ లోపం అనడం సరైంది కాదని నేను అనుకుంటున్నాను. ప్రజలు కొన్నిసార్లు తొందరగా ఓ నిర్ణయానికి వస్తారు. అయితే, వ్యక్తిగతంగా తనకు తాను నిర్ణయించుకోవడమే మంచిదని నేను భావిస్తున్నాను. మీరు ఎవరికైనా కెప్టెన్సీ బాధ్యత ఇచ్చినట్లయితే, అతను దానికి సరిపోతాడా లేదా అనే విషయాన్ని అతడే నిర్ణయిస్తాడని నేను నమ్ముతున్నాను" అని కోహ్లీ తెలిపాడు.

న్యూజిలాండ్ పర్యటన అంటేనే ఓ సవాల్

2009, 2019 సిరీస్‌లను పక్కన పెడితే న్యూజిలాండ్‌లో అడుగుపెట్టి టీమిండియా వన్డే సిరీస్‌ గెలిచిన దాఖలాలు లేవు. దీంతో ఈ సిరిస్‌ను కోహ్లీసేన అత్యంత ప్రతిష్టాత్మకంగా తీసుకుంది. కివీస్‌ గడ్డపై విజయం సాధించి సత్తా చాటాలని టీమిండియా ఆతృతగా ఉంది. న్యూజిలాండ్ పర్యటన పర్యటన అంటేనే సవాల్‌తో కూడుకుని ఉంటుంది. అందుకు కారణం కివీస్ గడ్డపై స్వింగ్‌, సీమ్‌కు అనుకూలించే పిచ్‌లు ఉంటాయి. మరోవైపు వణికించే చలి... న్యూజిలాండ్ వాతావరణం భిన్నంగా ఉంటుంది.