రెండో షోకాజ్ నోటీసుకు లలిత్ మోడీ వివరణ

ముంబై: తనకు బిసిసిఐ ఇచ్చిన రెండో షోకాజ్ నోటీసుకు సస్పెన్షన్ కు గురైన ఐపియల్ కమిషనర్ లలిత్ మోడీ ఇ - మెయిల్ ద్వారా వివరణ ఇచ్చారు. గత రాత్రే వివరణ పంపినట్లు లలిత్ మోడీ తరఫు న్యాయవాది మెహమూద్ అబ్దీ మంగళవారం చెప్పారు. అబ్ది మోడీ వివరణ ప్రతులను బిసిసిఐకి అందిస్తారు. ఈ వివరణ కేవలం 24 పేజీలు మాత్రమే ఉంది.

అంతర్జాతీయ, ఇంగ్లీష్ క్రికెట్ ప్రస్తుత విధానాలను మార్చడానికి మోడీ ప్రయత్నించారని ఇంగ్లాండు, వేల్స్ క్రికెట్ బోర్డు చైర్మన్ గిల్స్ క్లార్క్ చేసిన ఆరోపణపై బిసిసిఐ ఈ రెండో షోకాజ్ నోటీసు జారీ చేసింది. క్లార్క్ కు మోడీ సోమవారంనాడు పరువు నష్టం కింద నోటీసు ఇచ్చారు. ఐపియల్ - 3లో టెలివిజన్ ప్రసార హక్కులపై బిసిసిఐ మోడీకి సోమవారం మరో నోటీసు జారీ చేసింది.