కోల్‌కత్తా, ముంబై మైదానాలకు ఫైనల్ క్లియరెన్స్: లోర్గాట్

ముంబై: ప్రపంచ కప్ పోటీల నిర్వహణకు కోల్‌కత్తా, ముంబై మైదానాలకు ఫైనల్ క్లియరెన్స్ లభించినట్లు అంతర్జాతీయ క్రికెట్ మండలి (ఐసిసి) చీఫ్ ఎగ్జిక్యూటివ్ హరూన్ లోర్గాట్ సోమవారం చెప్పారు. వాటి సంసిద్ధతపై అనుమానాలు వ్యక్తమయ్యాయని, అయితే అవి సిద్ధమయ్యాయని ఆయన ఓ చానెల్ ప్రతినిధితో చెప్పారు. ఆ మైదానాల సంసిద్ధత ఇప్పుడు సమస్య కాదని ఆయన అన్నారు.

ఈ నెల 27వ తేదీలోగా కోల్‌కత్తా మైదానం సిద్ధం కాదని భావించామని, షెడ్యూల్‌కు అనుగుణంగా అన్ని మైదానాలూ సిద్ధమయ్యాయని ఆయన చెప్పారు. ముంబై విషయంలో తొలుత జాప్యం జరిగిందని, ఆ తర్వాత అద్భుతంగా ప్రగతి సాధించిందని ఆయన అన్నారు. శ్రీలంకలోని మూడు మైదానాలు కూడా బాగున్నాయని ఆయన అన్నారు.