100 విజయాలను సాధించిన మూడో జట్టుగా: ముంబై, చెన్నై సరసన కేకేఆర్

ముంబై, చెన్నై సరసన కోల్‌కతా

ఈ క్రమంలో ముంబై ఇండియన్స్, చెన్నై సూపర్ కింగ్స్ జట్ల సరసన కోల్‌కతా కూడా చేరింది. ఈ మ్యాచ్‌లో ముంబై ఇండియన్స్ టాస్ నెగ్గి కోల్‌కతాను బ్యాటింగ్‌కు ఆహ్వానించింది. వన్‌డౌన్‌లో బ్యాటింగ్‌కు దిగిన ఆండ్రీ రస్సెల్ 40 బంతుల్లో 80(6 ఫోర్లు, 8 సిక్సులు) పాటు శుభ్‌మన్‌ గిల్‌ 45 బంతుల్లో 76(6 పోర్లు, 4 సిక్సులు), క్రిస్‌ లిన్‌ 29 బంతుల్లో 54 (8 ఫోర్లు, 2 సిక్సులు) రెచ్చిపోవడంతో కేకేఆర్ 2 వికెట్లు కోల్పోయి 232 పరుగులు చేసింది.

ముంబైని ఓటమి నుంచి తప్పించలేకపోయిన హార్ధిక్

అనంతరం లక్ష్య చేధనలో హార్దిక్‌ పాండ్యా 34 బంతుల్లో 91(6 ఫోర్లు, 9 సిక్సులు) అద్భుతంగా బ్యాటింగ్‌ చేసినా ముంబైని ఓటమి నుంచి తప్పించలేకపోయాడు. 233 పరుగుల భారీ లక్ష్యంతో బరిలోకి దిగిన ముంబై ఇండియన్స్ నిర్ణీత 20 ఓవర్లలో 7 వికెట్లకు 198 పరుగులు చేసింది. దీంతో 34 పరుగుల తేడాతో కేకేఆర్ విజయం సాధించింది.

50 సిక్సులు బాదిన ఆండ్రీ రస్సెల్

అటు బౌలింగ్‌లోనూ, ఇటు బ్యాటింగ్‌లోనూ అద్భుత ప్రదర్శన చేసిన ఆండ్రీ రస్సెల్‌కు మ్యాన్ ఆఫ్ ద మ్యాచ్ అవార్డు లభించింది. మరోవైపు ఈ సీజన్‌లో 11 మ్యాచ్‌లాడిన రస్సెల్ 207.89 స్ట్రయిక్ రేట్‌ని కలిగి ఉన్నాడు. దీంతో పాటు ఈ సీజన్‌లో ఇప్పటివరకు మొత్తం 50 సిక్సులు బాదాడు. ఆదివారం ముంబైతో జరిగిన మ్యాచ్‌లో రస్సెల్ 8 సిక్సులు బాదాడు.

టీ20ల్లో 100 లేదా అంతకుమించి విజయాలను సాధించిన జట్లు

ముంబై ఇండియన్స్

చెన్నై సూపర్ కింగ్స్

లాంక్ షైర్

నాటింగ్‌హామ్ షైర్

వార్విక్ షైర్

కోల్‌కతా నైట్‌రైడర్స్