Click it and Unblock the Notifications
రెండు లేదా మూడు నెలలు పట్టొచ్చు
ఇక జర్మనీలో అతని చికిత్స ముగిసిందని తెలుస్తోంది. ఇక జర్మనీ నుంచి ఇండియాకు తిరిగి వచ్చిన తర్వాత రాహుల్ను నేషనల్ అకాడమీ ఆఫ్ క్రికెట్లో డాక్టర్ నితిన్ పటేల్ నేతృత్వంలోని వైద్య బృందం పర్యవేక్షిస్తుంది. అతను ఎప్పుడు తిరిగి క్రికెట్లో పునరాగమనం చేస్తాడనే విషయమై టైమ్లైన్ పెట్టడం ఇప్పట్లో చెప్పడం కష్టమే. అయితే రాహుల్ పూర్తిగా కోలుకుని మళ్లీ ఇండియా జెర్సీని ధరించడానికి మరో రెండు లేదా మూడు నెలలు టైం పట్టవచ్చని వైద్య వర్గాలు భావిస్తున్నాయి.
ఆసియా కప్ ఆడతాడో ఆడడో తెలీదు..
ఇక కేఎల్ రాహుల్ రికవరీ విషయమై ఓ బీసీసీఐ అధికారి పీటీఐతో మాట్లాడాడు. ‘రాహుల్ జర్మనీ నుంచి వచ్చాక కొన్ని రోజులు ఇంటి వద్ద విశ్రాంతి తీసుకుంటాడు. తర్వాత బెంగళూరులోని నేషనల్ క్రికెట్ అకాడమీలో అతని శిక్షణ, ఫిట్ నెస్ తదితర విషయాలను వైద్యబృందం ఆధ్వర్యంలో పర్యవేక్షిస్తాము. అతను తన రెగ్యులర్ నెట్ సెషన్తో ప్రారంభించటానికి కొన్ని వారాల సమయం పట్టడం ఖాయంగా కన్పిస్తుంది. ఇక అతను ఆసియా కప్ టైంకి టీంలోకి అందుబాటులోకి వస్తాడో రాడో ఇప్పుడైతే చెప్పలేం. కానీ టీ20 వరల్డ్ కప్ టైంకు అతను పూర్తి ఫిట్ నెస్ సాధించొచ్చని అంచనా వేస్తున్నాం.' అని సదరు అధికారి పేర్కొన్నాడు. రాహుల్ టీ20ఫార్మాట్లో టీమిండియా తరఫున కీలక ప్లేయర్. ఇక ఆస్ట్రేలియాలో జరగబోయే టీ20 ప్రపంచ కప్లో అతను జట్టులో కీలక పాత్ర పోషించాల్సిన అవసరముంది.
సరైన టైంలో గాయపడడంతో..
ఇకపోతే కేఎల్ రాహుల్ గాయపడ్డంతో టీమిండియాకు దక్షిణాఫ్రికా, ఐర్లాండ్లతో జరిగిన టీ20ల సిరీస్లకు అతని స్థానంలో రిషబ్ పంత్, హార్దిక్ పాండ్యా కెప్టెన్లుగా వ్యవహరించాల్సి వచ్చింది. ఇక ఇంగ్లాండ్తో జరగబోయే రీషెడ్యూల్డ్ 5వ టెస్టులో రోహిత్ కోవిడ్ బారిన పడడంతో అతని స్థానంలో రాహుల్ కెప్టెన్సీ చేపట్టాల్సి వచ్చేది కానీ.. ఇప్పుడు బుమ్రా పగ్గాలు స్వీకరించే అవకాశముంది. దీంతో రాహుల్ అభిమానులు కాస్త బాధపడ్డ రాహుల్ ఇప్పుడు కాకున్నా రోహిత్ తర్వాత ఎలాగూ టీమిండియా కెప్టెన్ అవుతాడని వారు ఊరట చెందుతున్నారు.
Continue with Google