ICC T20 rankings: కెరీర్ అత్యుత్తమ ర్యాంకుకి కేఎల్ రాహుల్

KL Rahul jumps to second place in ICC T20 rankings

హైదరాబాద్: టీమిండియా ఓపెనర్ కేఎల్ రాహుల్ ఐసీసీ టీ20 ర్యాంకింగ్స్‌లో తన కెరీర్ అత్యుత్తమ ర్యాంకుని అందుకున్నాడు. సోమవారం ఐసీసీ ప్రకటించిన టీ20 ర్యాంకింగ్స్‌లో కేఎల్ రాహుల్ రెండో స్థానంలో నిలిచాడు. ప్రస్తుతం న్యూజిలాండ్ పర్యటనలో ఉన్న కేఎల్ రాహుల్ ఐదు టీ20ల సిరిస్‌లో రెండు హాఫ్ సెంచరీలతో 224 పరుగులు చేశాడు.

ఫలితంగా కేఎల్ రాహుల్ తన కెరీర్‌లోనే అత్యుత్తమ ర్యాంకుని సాధించాడు. ఇక, టీమిండియా కెప్టెన్ విరాట్ కోహ్లీ తొమ్మిదో స్థానంలో నిలవగా... మరో ఓపెనర్ రోహిత్ శర్మ మూడు స్థానాలు ఎగబాకి పదో స్థానంలో నిలిచాడు. దీంతో టాప్-10లో భారత్ నుంచి ముగ్గురు ఆటగాళ్లకు చోటు దక్కింది.

టీమిండియాకు భారీ షాక్.. వన్డే, టెస్ట్ సిరీస్ నుండి రోహిత్ ఔట్!!

రోహిత్ శర్మతో పాటు భారత బ్యాట్స్ మెన్లలో శ్రేయాస్ అయ్యర్ 63 స్థానాలు ఎగబాకి 55వ స్థానంలో నిలవగా, మనీష్ పాండే 12 స్థానాలు ఎగబాకి 58వ స్థానంలో కొనసాగుతున్నాడు. ఇక, ఈ జాబితాలో పాకిస్థాన్ క్రికెటర్ బాబర్ అజామ్ తన అగ్రస్థానాన్ని మరోసారి నిలబెట్టుకున్నాడు.

ఇక, కివీస్ విషయానికొస్తే బ్యాటింగ్ విభాగంలో కేన్ విలియమ్సన్ (16), టిమ్ సీఫర్ట్(34), రాస్ టేలర్(39)లు తమ ర్యాంకులను మరింతగా మెరుగుపరచుకున్నారు. బౌలర్ల విషయానికి వస్తే న్యూజిలాండ్‌తో జరిగిన ఆఖరి టీ20లో మూడు వికెట్లు తీసిన బుమ్రా 26 స్థానాలను ఎగబాకి 11వ స్థానంలో నిలిచాడు.

చైనామన్ స్పిన్నర్ యజువేంద్ర చాహల్ 10 స్థానాలు ఎగబాకి 30వ స్థానంలో నిలవగా... ఈ సిరిస్‌లో ఎనిమిది వికెట్లు తీసిన పేసర్ శార్ధూల్ ఠాకూర్ 34 స్థానాలు ఎగబాకి 57వ స్థానంలో నిలిచాడు. ఈ సిరిస్‌లో రెండు సూపర్ ఓవర్లు వేసిన కివీస్ పేసర్ టిమ్ సౌథీ 13వ స్థానాన్ని కైవసం చేసుకున్నాడు.

కోహ్లీసేనను పాక్ జట్టుతో పోల్చిన సంజయ్.. మండిపడుతున్న ఫ్యాన్స్!

ఐదు టీ20ల సిరీస్‌ను టీమిండియా క్లీన్ స్వీప్ చేయడంతో టీమ్ ర్యాంకింగ్స్‌లో తన ర్యాంకుని మెరుగుపరచుకుంది. ప్రస్తుతం టీమిండియా 265 రేటింగ్ పాయింట్లతో టీమ్ ర్యాంకింగ్స్‌లో నాలుగో స్థానంలో నిలిచింది. ఈ జాబితాలో దాయాది దేశమైన పాకిస్థాన్ 270 పాయింట్లతో అగ్రస్థానంలో కొనసాగుతోంది.

For Quick Alerts
ALLOW NOTIFICATIONS
For Daily Alerts
Story first published: Monday, February 3, 2020, 17:13 [IST]
Other articles published on Feb 3, 2020
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more