ఆండ్రీ రస్సెల్ బలహీనత ఏంటో తెలుసా!: బయటపెట్టిన కుల్దీప్

ఆండ్రీ రస్సెల్‌కు బలహీనతలు

అయితే, ఆండ్రీ రస్సెల్‌కు బలహీనతలు ఉన్నాయని ఆ జట్టు స్పిన్నర్ కుల్దీప్ యాదవ్ చెప్పాడు. బంతిని ఎక్కువగా టర్న్ చేస్తే రసెల్ ఆడలేడని కుల్దీప్ యాదవ్ అన్నాడు. తాజాగా పీటీఐకి ఇచ్చిన ఇంటర్యూలో ఆండ్రీ రస్సెల్‌పై కుల్దీప్ యాదవ్ మాట్లాడుతూ "బంతిని ఎక్కువగా స్పిన్ చేస్తే రస్సెల్ ఇబ్బందిపడతాడు. ఇదే అతని అతిపెద్ద బలహీనత" అని అన్నాడు.

కుల్దీప్

"ఇదే కాదు, వరల్డ్‌కప్‌లో అతన్ని కట్టడి చేసేందుకు నా వద్ద చాలా అస్ర్తాలు ఉన్నాయి. సరైన రీతిలో యార్కర్లు వేసినా రస్సెల్ తడబడతాడు" అని కుల్దీప్ యాదవ్ చెప్పుకొచ్చాడు. ఐపీఎల్ టోర్నీలో భాగంగా శుక్రవారం ఢిల్లీ-కోల్‌కతా జట్లు తలపడున్నాయి. ఈ నేపథ్యంలో కుల్దీప్ మాట్లాడుతూ రస్సెల్‌తో కలిసి డ్రెస్సింగ్ రూమ్ పంచుకున్నానని, అయితే నెట్స్‌లో అతడికి బౌలింగ్ చేసే అవకాశం రాలేదని చెప్పాడు.

బౌలింగ్

"స్పిన్ బౌలింగ్‌లో షాట్లు కొట్టేందుకు రస్సెల్ సాహసం చేయడని, అదే పేస్ బౌలింగ్‌లో అయితే విజృంభిస్తాడు. ఒకవేళ నేను వికెట్లు తీయకపోతే బౌలింగ్ బాగా వేయనట్లు కాదు. పరిణతితో కూడిన క్రికెట్ ఆడుతున్నా. వ్యక్తిగత రికార్డుల కంటే జట్టు ప్రయోజనాలే ఎక్కువ. వికెట్లు దక్కకపోయినా పరుగులు ఇవ్వకుండా ఉంటే చాలు. జట్టు గెలిస్తే అంతకంటే సంతోషం ఏముంటుంది" అని కుల్దీప్ అన్నాడు.