అదే మా కొంప ముంచింది: విలియమ్సన్

IND VS NZ 2020,3rd T20I : Kane Williamson Reacts After Super Over Loss Against India
Kane Williamson Says Super Overs certainly not New Zealands friend

హామిల్టన్ : భారత్‌తో తప్పక గెలవాల్సిన మూడో టీ20లో న్యూజిలాండ్ ఓటమిపాలై సిరీస్‌ను చేజార్చుకున్న విషయం తెలిసిందే. అలవోకగా గెలవాల్సిన ఈ మ్యాచ్‌లో బ్లాక్ క్యాప్స్ అనవసర తప్పిదాలతో మూల్యం చెల్లించుకుంది. అయితే తమ ఓటమికి కారణం ఒత్తిడిని అధిగమించకపోవడమేనని మ్యాచ్ అనంతరం న్యూజిలాండ్ కెప్టెన్ విలియమ్సన్ అభిప్రాయపడ్డాడు. ఈ విషయంలో తాము భారత్ నుంచి ఎంతో నేర్చుకోవాల్సి ఉందన్నాడు. సూపర్ ఓవర్ అనేది కూడా తమకు కలిసి రావడం లేదని తెలిపాడు.

IND vs NZ, 3rd T20I: థ్రిల్లింగ్ విక్టరీపై కోహ్లీ, రోహిత్ ఏమన్నారంటే..

'సూపర్‌ ఓవర్‌ మాకు కలసి రావడం లేదు. అందుకే మేము సూపర్ ఓవర్‌కు రాకుండానే గెలవాలి. గత మ్యాచ్‌ల్లో కన్నా ఇది మా మెరుగైన ప్రదర్శన. ఇండియా అద్భుత ప్రారంభం తర్వాత మా బౌలర్లు అద్భుతంగా కట్టిడి చేశారు. ఇక ఇరుజట్లు స్వల్ప స్కోర్లే నమోదు చేశాయి. ఇంత అద్భుతంగా ఆడిన తర్వాత కూడా ఎదురైన ఈ ఓటమి తీవ్రంగా నిరాశపరిచింది. ఇక క్రికెట్‌లో ఇది సహజం. మూడు బాల్స్ మ్యాచ్‌ ఫలితాన్ని శాసించాయి. క్లిష్ట సమయంలో టీమిండియా తన అనుభవాన్ని ఉపయోగించి విజయం సాధించింది. ఈ విషయంలో మేము భారత్‌ నుంచి ఎంతో నేర్చుకోవాలి. ఈ రోజు నా బ్యాటింగ్‌ పట్ల సంతృప్తిగా ఉన్నా. మిడిల్‌ ఓవర్లలో భాగస్వామ్యాలను నమోదు చేశాను. ఇక ఓటమి గురించి సభ్యులతో చర్చించుకోవాలి. మేము మరింత మెరుగుపడాలి. ముఖ్యంగా ఒత్తిడిని జయించడం నేర్చుకోవాలి'అని విలియమ్సన్‌ చెప్పుకొచ్చాడు.

విలియమ్సన్ అత్యుత్సాహం.. సెంచరీతో పాటు విజయం దూరం!!

ఇక ఈ మ్యాచ్‌లో టాస్ ఓడి తొలుత బ్యాటింగ్ చేసిన టీమిండియా నిర్ణీత 20 ఓవర్లలో 5 వికెట్లు కోల్పోయి 179 పరుగులు చేసింది. భారత జట్టులో రోహిత్ శర్మ(65) హాఫ్ సెంచరీతో చెలరేగగా.. విరాట్ కోహ్లీ(38), కేఎల్ రాహుల్(27)లు ఫరవాలేదనిపించారు. కివీస్ బౌలర్లలో బెన్నట్ మూడు వికెట్లు పడగొట్టగా... శాంట్నర్, గ్రాండ్‌హోమ్ చెరో వికెట్ తీసుకున్నారు.

న్యూజిలాండ్‌కు కలిసిరాని సూపర్ ఓవర్.. వరల్డ్‌కప్ ఫైనల్ తర్వాత మూడోసారి.!

అనంతరం 180 పరుగుల విజయ లక్ష్యంతో బరిలోకి దిగిన న్యూజిలాండ్ నిర్ణీత 20 ఓవర్లలో 6 వికెట్లు కోల్పోయి 179 పరుగుల చేసింది. భారత బౌలర్లలో ఠాకూర్, షమి రెండేసి వికెట్లు తీసుకోగా.. చాహల్, జడేజా చెరో వికెట్ తీసుకున్నారు. ఇరు జట్ల స్కోర్ సమం కావడంతో మ్యాచ్ విజేతను నిర్ణయించేందుకు సూపర్ ఓవర్ ఆడించారు. సూపర్ ఓవర్‌లో కివీస్ 17 పరుగులు చేయగా.. రోహిత్ మెరుపులతో 20 పరుగులు చేసిన భారత్ విజయాన్నందుకుంది. దీంతో 5 టీ20ల సిరీస్ 3-0తో భారత్ వశమైంది. ఇక ఇరుజట్ల మధ్య నాలుగో టీ20 శుక్రవారం జరగనుంది.

For Quick Alerts
ALLOW NOTIFICATIONS
For Daily Alerts
Story first published: Wednesday, January 29, 2020, 21:00 [IST]
Other articles published on Jan 29, 2020
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more