35వ పడిలోకి యువీ: సచిన్ ట్వీట్ ప్రత్యేకం

సచిన్ టెండూల్కర్

‘డ్రెసింగ్‌ రూమ్స్‌ నుంచి నిండిపోయిన మైదానాలు.. విజయాలు, అపజయాలు మేమిద్దరం కలిసే చూశాం. యువీకి జన్మదిన దిన శుభాకాంక్షలు' అని సచిన్‌ ట్వీట్‌ చేశాడు.

హార్భజన్ సింగ్

‘మరో తల్లి కన్న నా సోదరుడికి పుట్టిన రోజు అభినందనలు. ఈ రోజును పూర్తిగా ఆస్వాదించు' అని హర్భజన్‌సింగ్‌ అన్నాడు.

రవీంద్ర జడేజా

‘యువీ లేకుండా టీ20, వన్డే ప్రపంచకప్‌ గెలవగలమని వూహించగలమా! అతడు అసలైన మ్యాచ్‌ విన్నర్‌' అంటూ రవీంద్ర జడేజా అన్నాడు.

గౌతం గంభీర్

‘పెళ్లి తర్వాత మగాళ్లు మళ్లీ జన్మిస్తారు. కాబట్టి యువీకి తొలి జన్మదిన శుభాకాంక్షలు. ప్రిన్స్‌కు ఇక అన్నీ మంచి రోజులే ముందున్నాయి' అని గౌతమ్‌ గంభీర్‌ శుభాకాంక్షలు అందించాడు.

హార్దిక్‌పాండ్యా

‘భారత ఛాంపియన్‌, పెద్దన్నకు శుభాకాంక్షలు. నిన్ను చూసి ఎన్నో నేర్చుకొన్నా. త్వరలోనే కలుసుకుంటా' అని యువ ఆల్‌రౌండర్‌ హార్దిక్‌పాండ్యా పేర్కొన్నాడు.

ఐసీసీ

‘అతడు 35వ వసంతంలోకి అడుగుపెట్టాడు. మరి ఒక ఓవర్‌లోనే యువీ నుంచి వచ్చిన 36 పరుగుల సంగతేంటి' అని ఐసీసీ పేర్కొంది.

మహ్మద్‌కైఫ్‌

‘విడిపోనిది మన స్నేహం' అంటూ మహ్మద్‌కైఫ్‌ శుభాకాంక్షలు తెలిపాడు.