తనకు తానుగా తప్పుకున్న విల్ పుకౌస్వి
ఇదిలా ఉంటే, పాక్తో రెండు టెస్టు మ్యాచ్ల సిరిస్లో భాగంగా ఆస్ట్రేలియా జట్టులో చోటు ఖాయమనుకున్న సమయంలో విల్ పుకౌస్వి తనకు తానుగా తప్పుకోవడం అందరినీ ఆశ్చర్యానికి గురిచేసింది. ఆస్ట్రేలియా క్రికెట్ జట్టు సెలక్షన్లో అతని పేరు పరిశీలనలో ఉండగా ఈ సిరిస్ నుంచి అర్థాంతరంగా తప్పుకున్నాడు.
దేశవాళీ క్రికెట్లో డబుల్ సెంచరీ
దేశవాళీ క్రికెట్లో పరుగుల వరద పారించడంతో పాటు డబుల్ సెంచరీ సాధించిన విల్ పుకౌస్విను పాక్తో జరిగే రెండు టెస్టు మ్యాచ్ల సిరీస్కు జట్టులోకి తీసుకోవాలని సీఏ భావించింది. అయితే తనకు మానసిక సమస్యలు ఉన్నాయంటూ అతను క్రికెట్ ఆస్ట్రేలియా(సీఏ)కు విన్నవించడం విశేషం.
విల్ పేరును పక్కన పెట్టిన క్రికెట్ ఆస్ట్రేలియా
అతడి విజ్ఞప్తిని పరిగణనలోకి తీసుకున్న క్రికెట్ ఆస్ట్రేలియా విల్ పేరును పక్కన పెడుతున్నట్లు స్పష్టం చేసింది. మానసికంగా ఇబ్బంది పడుతున్న కారణంగానే తాను తప్పుకుంటున్నట్లు పేర్కొన్నట్లు సీఏ తెలిపింది. దాంతోనే తుది నిమిషంలో విల్ను తప్పించాల్సి వచ్చిందని క్రికెట్ ఆస్ట్రేలియా ఒక ప్రకటనలో పేర్కొంది.
మానసిక సమస్యల కారణంగా
కాగా, ఇప్పటికే గ్లెన్ మ్యాక్స్వెల్, నిక్ మ్యాడిన్సన్ లాంటి క్రికెటర్లు మానసిక సమస్యల కారణంగా అంతర్జాతీయ క్రికెట్ నుంచి తాత్కాలిక విరామం తీసుకున్న సంగతి తెలిసిందే. రెండు వారాల వ్యవధిలో ఒకే కారణంతో ముగ్గురు ఆటగాళ్లు మానసిక సమస్యను కారణంగా చూపుతూ అంతర్జాతీయ క్రికెట్ నుంచి తప్పుకోవడం క్రికెట్ వర్గాల్లో ఆసక్తిని రేపుతోంది.
పాక్తో రెండు టెస్టు మ్యాచ్లకు ఆస్ట్రేలియా జట్టు
డేవిడ్ వార్నర్, జో బర్న్స్, లబూషేన్, స్టీవ్ స్మిత్, ట్రావిస్ హెడ్, బాన్క్రాఫ్ట్, మాథ్యూవేడ్, టిమ్పైన్, నాథన్ లయన్, ప్యాట్ కమిన్స్, హజల్వుడ్, జేమ్స్ పాటిన్సన్, మిచెల్ స్టార్క్, మైకేల్ నాసెర్