Paris Olympics 2024: మరో ఇద్దరు అర్హత.. భారత అథ్లెట్ల పూర్తి జాబితా ఇదే!

పారిస్ ఒలింపిక్స్-2024కు రంగం సిద్ధమైంది. మరో 17 రోజుల్లో విశ్వక్రీడలు ప్రారంభం కానున్నాయి. జులై 26 నుంచి మొదలయ్యే ఈ మహా సమరం ఆగస్టు 11 వరకు కొనసాగనుంది. అయితే ఈ అతి పెద్ద క్రీడా ఈవెంట్‌లో 16 క్రీడల్లో 113 మంది భారత్ అథ్లెట్లు పోటీపడనున్నారు. ముందుగా 111 మంది భారత అథ్లెట్లే పాల్గొంటారని ఖరారైంది.

కానీ, ఆఖర్లో వరల్డ్ ర్యాంకింగ్స్ ఆధారంగా జస్వీన్ అల్డ్రీన్, అంకిత దయానీ కూడా పారిస్ ఒలింపిక్స్ అర్హత సాధించారు. లాంగ్ జంప్ విభాగంలో జస్వీన్ 31వ ర్యాంక్ సాధించడంతో ఒలింపిక్స్‌లో ఆడేందుకు క్వాలిఫై అయ్యాడు. మరోవైపు అంకిత 5000 మీటర్ల రేసులో విశ్వక్రీడలకు అర్హత సాధించింది. పారుల్ చౌదరీతో కలిసి సమ్మర్ గేమ్స్‌లో అంకిత పోటీపడనుంది.

Jeswin Aldrin and Ankita Dhyani Qualify for Paris Olympics Through World Rankings in Indian Athletics

1920 నుంచి భారత అథ్లెట్లు ఒలింపిక్స్‌లో పోటీపడుతున్నారు. గత టోక్యో ఒలింపిక్స్‌లో 124 మంది భారత అథ్లెట్లు బరిలోకి దిగగా.. ఈ సంఖ్య ఈసారి 113కు పడిపోయింది. మహిళల హాకీ జట్టు ఈసారి బరిలో లేకపోవడం అథ్లెట్ల సంఖ్య తగ్గడానికి కారణమైంది. కాగా, అచంట శరత్, పీవీ సింధులు ఆరంభ వేడుకల్లో భారత బృందానికి ఫ్లాగ్ బెరర్‌గా వ్యవహరించనున్నారు.

టోక్యో ఒలింపిక్స్‌లో భారత్ 7 పతకాలు సాధించింది. ఇందులో నీరజ్ చోప్రా బంగారు పతకం ఉండగా.. మీరాభాయి చాను, రవికుమార్ దహియా రజత పతకాలు సాధించింది. పీవీ సింధు, లోవ్లీనా బోర్గోహైన్, బజరంగ్ పూనియా‌లు కాంస్య పతకాలు సాధించారు.

పారిస్ ఒలింపిక్స్‌కు అర్హత సాధించిన భారత అథ్లెట్లు:

1. అథ్లెటిక్స్
ఆకాశ్‌దీప్ సింగ్-పురుషుల 20కిలోమీటర్ల నడక రేసు

ప్రియాంక గోస్వామి-మహిళల 20కిలోమీటర్ల నడక రేసు

వికాస్ సింగ్- పురుషుల 20కిలోమీటర్ల నడక రేసు

పరమ్‌జీత్ బిష్త్-పురుషుల 20కిలోమీటర్ల నడక రేసు

మురళీ శ్రీశంకర్- పురుషుల లాంగ్‌ జంప్

జస్వీన్ అల్డ్రీన్- పురుషల లాంగ్ జంప్

అవినాష్ సబ్లే-పురుషుల 3000 మీటర్ల స్టీపుల్ ఛేజ్

నీరజ్ చోప్రా- పురుషుల జావెలిన్ త్రో

పారుల్ చౌదరి- మహిళల 3000 మీటర్ల స్టీపుల్ ఛేజ్

అంకిత దయానీ- మహిళల 3000 మీటర్ల స్టీపుల్ ఛేజ్

కిషోర్ జెనా- పురుషుల జావెలిన్ త్రో