మరోసారి అధిక ధరకి అమ్ముడుపోయిన జయదేవ్, ఏ జట్టుకి ఎంతకో తెలుసా..

గతంలోనూ అత్యధిక ధరకే సొంతం

2018 సీజన్ వేలంలో కనీస ధర రూ. 1.50 కోట్లతో వేలంలోకి వచ్చాడు జయదేవ్‌ ఉనాదఖ్త్‌. అప్పుడు కూడా వేలంలో దూసుకుపోతూ 10 రెట్లు అధికంగా అమ్ముడుపోవడం విశేషం. అప్పటి వేలం ఇంగ్లాండ్ ఆల్ రౌండర్ బెన్ స్టోక్స్‌ను మాత్రమే రాజస్థాన్ రాయల్స్ రూ. 12.5 కోట్లు వెచ్చించి కొనుగోలు చేసింది. ఇలా రాజస్థాన్ జట్టులో అధిక ధర దక్కించుకున్న ఆటగాళ్లలో జయదేవ్ రెండో స్థానంలో నిలిచాడు.

15 మ్యాచ్‌లాడి 11 వికెట్లు మాత్రమే

2018 సీజన్‌లో జయదేవ్ పేలవ ప్రదర్శనతో నిరూత్సాహపరిచాడు. అంతేకాదు 15 మ్యాచ్‌లాడి తీసిన వికెట్లు 11 మాత్రమే. దీంతో ఫ్రాంఛైజీ అతడిని విడుదల చేసిందని అందరూ భావించారు. రాజస్థాన్ రాయల్స్ క్రికెట్ హెడ్ జుబిన్ బరాక్ మాట్లాడుతూ "ఐపీఎల్ 2018 సీజన్‌లో జయదేవ్ ప్రదర్శన గురించి చర్చించే సమయంలో.. అతను తాను అమ్ముడుపోయిన ధర గురించి ఎక్కువగా ఆలోచిస్తూ ఒత్తిడికి గురైనట్లు తెలిసింది. బౌలింగ్ సమయంలోఆ ఒత్తిడికి గురవడంతో అతని ప్రదర్శన దెబ్బతింది. అందుకే అతడిని జట్టు నుంచి విడిచిపెట్టడమే మంచిదని నిర్ణయించాం" అని చెప్పాడు.

అంచనాల్ని అందుకోలేకపోయి

ఐపీఎల్ 2017 సీజన్‌లో రైజింగ్ పుణె సూపర్ జెయింట్స్‌కి ఆడిన జయదేవ్ ఉనద్కత్ కేవలం 12 మ్యాచ్‌లాడి ఏకంగా 24 వికెట్లు తీశాడు. దీంతో 2018 సీజన్‌ వేలంలో జయదేవ్‌కు డిమాండ్ అమాంతం పెరిగింది. వేలంలో సైతం పలు ప్రాంఛైజీలు కోట్లు కుమ్మరించేందుకు యత్నించాయి. చివరకు రాజస్థాన్ రాయల్స్ జట్టు రూ. 11.5 కోట్లు పెట్టి అతడిని సొంతం చేసుకుంది. అయితే, గత సీజన్‌లో అతడిపై పెట్టుకున్న అంచనాల్ని అందుకోలేకపోయాడు.