అద్దె ఇల్లు.. ఆటో నడుపుతూ: దైన్య స్థితిలో క్రికెటర్ బుమ్రా తాత

బుమ్రా బౌలింగ్‌కు దిగాడంటే

ఇక బుమ్రా బౌలింగ్‌కు దిగాడంటే ఆయన కళ్లు టీవీనే చూస్తుండిపోతాయి. గతంలో సంతోక్‌సింగ్ బాగా బతికినవాడే. అహ్మదాబాద్‌లో సొంతంగా మూడు ఫ్యాక్టరీలకు యాజమానిగా వ్యవహరించాడు. అయితే 2001లో బుమ్రా తండ్రి జస్బీర్‌ సింగ్‌ మరణించాడు. కానీ అప్పుడు బుమ్రాను అతడి తల్లి దల్జీత్‌సింగ్‌ను సంతోక్ సింగ్‌ తనవద్ద ఉంచుకోలేదు.

తీవ్ర వేదన చెందుతోన్న సంతోక్ సింగ్‌

దాంతో దల్జీత్‌సింగ్‌ ఎంతో బాధపడి ఉంటుందని సంతోక్ సింగ్‌ ఇప్పుడు తీవ్ర వేదన చెందుతున్నాడు. మరోవైపు బ్యాంక్ లోన్ల కోసం ఫ్యాక్టరీలు ఆమ్మెసి దశాబ్దం కిందట అహ్మదాబాద్‌నుంచి జీవనోపాధికోసం కిచ్చా వచ్చాడు. ఉద్ధమ్‌సింగ్ నగర్‌లో నాలుగు ఆటోలతో కొత్తవ్యాపారం మొదలుపెట్టాడు.

ఆటో డ్రైవర్‌గా

పరిస్థితులు అనుకూలించక వ్యాపారంలో నష్టాలు రావడంతో మూడు ఆటోలు అమ్మేశాడు. అయితే అందులో ఒకదానిని మాత్రం తానే నడుపుకుంటున్నాడు. 2010లో సంతోక్ భార్య చనిపోయింది. ప్రస్తుతం ఓ గదిలో ఉంటున్న బుమ్రా తాత.. ఆర్థిక ఇబ్బందులతో మూడు నెలలుగా అద్దె కూడా చెల్లించడం లేదు.

అహ్మదాబాద్‌లో బుమ్రా

ఇంట్లో ఉన్న ఏకైక ఖరీదైన వస్తువు ఓ పాత టీవీ. కేబుల్‌ బిల్లు కూడా సరిగా కట్టలేకపోతుండడంతో అది అప్పుడప్పుడే పని చేస్తుంది. అయితే తన మనువడు ఆడే మ్యాచ్‌లను టీవీల్లో చూస్తున్న సంతోక్‌ సింగ్.. ఇంత ఎత్తుకు ఎదిగినందుకు చాలా గర్వపడుతున్నాడు. అహ్మదాబాద్‌లో నివసించే బుమ్రాను ఎప్పుడెప్పుడు కలుసుకుందామా? అని ఉవ్విళ్లూరుతున్నాడు.