బుమ్రా.. నిన్ను బాధించాలని కాదు: జైపూర్ ట్రాఫిక్ పోలీసు శాఖ క్షమాపణ

హైదరాబాద్: ట్రాఫిక్ అవగాహన కోసం జైపూర్ ట్రాఫిక్ పోలీసు శాఖ తన చిత్రాన్ని వాడుకోవడంపై టీమిండియా పేసర్ జస్ప్రీత్ బుమ్రా అసహనం వ్కక్తం చేశాడు. తన ఫోటోకి బదులు మరో ఫోటోని వాడుకుని ఉంటే బాగుండేదని అతడు సూచించాడు. వివరాల్లోకి వెళితే ఛాంపియన్స్ ట్రోఫీ ఫైనల్లో పాక్‌తో జరిగిన మ్యాచ్‌లో టీమిండియా బౌలర్ జస్ప్రీత్ బుమ్రా వేసిన నో బాల్ వేసిన చిత్రాన్ని జైపూర్ ట్రాఫిక్ పోలీసు శాఖ ప్రచార చిత్రంలో భాగంగా ఉపయోగించింది.

గీత దాటారో అంతే!: బుమ్రా నోబాల్‌ని జైపూర్ పోలీస్ ఇలా

ఈ సంద‌ర్భాన్ని వాడుకొని ప్ర‌జ‌ల్లో ట్రాఫిక్ రూల్స్‌పై అవగాహన పెంచాల‌ని కర్ణాటక కేడర్‌కు చెందిన పోలీస్ ఆఫీసర్ సంజ‌య్ అగ‌ర్వాల్‌ భావించారు. బుమ్రా నోబాల్ వేసిన ఫొటోను ఆయ‌న వాడుకున్నారు. 'గీత దాటొద్దు.. అందుకు భారీ మూల్యం చెల్లించుకోవాల్సి రావొచ్చు' అన్న సందేశం ఈ ఫొటో ద్వారా ప్ర‌జ‌ల‌కు ఇచ్చారు.

Jasprit Bumrah irked by Jaipur Police for using his CT 17 no-ball image

బూమ్రా వేసిన నోబాల్ ఏకంగా మ్యాచ్ స్వరూపాన్నే మార్చేసిన విషయం తెలిసిందే. తీవ్ర ఒత్తిడిలో బ్యాటింగ్‌కు దిగిన పాక్‌ను ఒత్తిడిలోకి నెట్టే సువర్ణావకాశం ఆరంభంలోనే చేజారింది. పాక్‌ ఓపెనర్‌ ఫఖర్‌ జమాన్‌ మూడు పరుగుల వద్ద ఉండగా బుమ్రా బౌలింగ్‌లో అతడిచ్చిన క్యాచ్‌ను కీపర్‌ ధోనీ ఒడిసి పట్టినా అది నోబాల్‌ కావడంతో జమాన్‌కు లైఫ్‌ లభించింది.

3 పరుగుల వద్ద తనకు అందివచ్చిన లైఫ్‌ని సద్వినియోగం చేసుకున్న ఫకార్ జమాన్ ఆ తర్వాత భారత బౌలర్లను చీల్చి చెండాడు. 114 పరుగులతో సెంచరీ చేశాడు. వన్డేల్లో తన తొలి సెంచరీని నమోదు చేసి పాకిస్థాన్‌ను పటిష్ట స్థితిలో నిలిపిన సంగతి తెలిసిందే.

'చాలా బాగా చేశారు. దేశం కోసం అత్యుత్తమంగా పోరాడితే మీరిచ్చే గౌరవమేంటో తెలుస్తోంది. పనిలో మీరు చేసే పొరపాట్లను మీలా నేనేం అపహాస్యం చేయను.. ఆందోళన చెందకండి' అని జైపూర్‌ ట్రాఫిక్‌ పోలీసు శాఖకు బుమ్రా ట్వీట్‌ చేశాడు.

అయితే తమ ప్రవర్తనతో పేసర్ బుమ్రా నొచ్చుకున్నాడని తెలుసుకున్న జైపూర్ ట్రాఫిక్ పోలీసు శాఖ ఈ ఫోటోపై క్షమాపణలు సైతం తెలియజేసింది. 'డియర్ బుమ్రా, నిన్ను బాధించాలని మా ఉద్దేశం కాదు. నీ సెంటిమెంట్లను, లక్షలాది క్రికెట్‌ అభిమానుల సెంటిమెంట్లను దెబ్బ తీయాలన్న ఉద్దేశంతో మేము అలా చేయలేదు' అని ట్విట్టర్ వేదికగా వివరణ ఇచ్చింది. అంతేకాదు బుమ్రాని యూత్ ఐకాన్‌గా అభివర్ణించిన జైపూర్ పోలీసు శాఖ మా అందరికీ నువ్వు ఆదర్శమని వరుస ట్వీట్లలో పేర్కొంది.

For Quick Alerts
ALLOW NOTIFICATIONS
For Daily Alerts
Story first published: Saturday, June 24, 2017, 11:36 [IST]
Other articles published on Jun 24, 2017
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more