చిన్నప్పటి నుంచీ నాకు బౌలింగ్‌ చేయడమే ఇష్టం: జస్ప్రీత్ బుమ్రా

నేను బౌలింగ్‌ చేసే వాడిని

"అందరూ బ్యాటింగ్‌ వైపు మొగ్గు చూపితే.. నేను బౌలింగ్‌ చేసే వాడిని. అప్పుడే నేను ఎంత వేగంగా బంతులు వేస్తానో గ్రహించా. టెన్నిస్‌ బంతితో బౌలింగ్‌ చేసేటపుడు బంతి నేలను తాకితే వేగం తగ్గిపోతుంది. కాబట్టి గాలిలోనే వేగంగా బౌలింగ్‌ చేయడం అలవాటు చేసుకున్నా. నా యార్కర్లు కూడా టెన్నిస్‌ బంతితో నేర్చుకున్నవే" అని బుమ్రా పేర్కొన్నాడు.

టెన్నిస్‌ బంతి వల్ల క్రికెట్‌కు ఎంతో ఉపయోగం

"అప్పట్లో సరదా కోసం ఆడేవాడిని. కానీ తర్వాత తెలిసింది టెన్నిస్‌ బంతి వల్ల క్రికెట్‌కు ఎంతో ఉపయోగమని. నా బౌలింగ్‌ మీద చాలా మంది చాలా రకాల అభిప్రాయాలు వ్యక్తం చేసారు. శైలిని మార్చుకోమని చాలామంది సలహాలిచ్చారు. అయితే, వాటిని వినలేదు. నా దారిని నేను సొంతంగా వెతుక్కోవడానికి ఇష్టపడతా" అని బుమ్రా చెప్పుకొచ్చాడు.

ఈ మనస్తత్వం నా క్రికెట్ ఎదుగుదలలో

"చిన్నప్పటి నుంచీ ఇతరులపై ఆధారపడటం తక్కువే. పరిస్థితులు అనుకూలంగా లేనపుడు కూడా ఇదే పద్ధతి పాటిస్తాను. ఈ మనస్తత్వం నా క్రికెట్ ఎదుగుదలలో ఎంతగానో ఉపయోగపడింది" అని బుమ్ర చెప్పుకొచ్చాడు.