|
ఓవర్నైట్ స్కోరు 250/9 పరుగులతో
ఓవర్నైట్ స్కోరు 250/9 పరుగులతో రెండోరోజైన శుక్రవారం తొలి ఇన్నింగ్స్ను కొనసాగించిన టీమిండియా పరుగులేమీ చేయకుండానే షమీ(6) రూపంలో చివరి వికెట్ను కోల్పోయింది. దీంతో రెండో రోజు ఆట ముగిసే సమయానికి ఆతిథ్య ఆస్ట్రేలియా 7 వికెట్లు కోల్పోయి 191 పరుగులు చేసింది. ప్రస్తుతం క్రీజులో ట్రావిస్ హెడ్(61), మిచెల్ స్టార్క్ (8) పరుగులతో క్రీజులో ఉన్నారు.
|
తొలి ఇన్నింగ్స్లో 59 పరుగులు వెనుకబడి
తొలి ఇన్నింగ్స్లో ఇంకా ఆస్ట్రేలియా 59 పరుగులు వెనుకబడి ఉంది. భారత బౌలర్లలో అశ్విన్ మూడు వికెట్లు సాధించగా, బూమ్రా, ఇషాంత్లు తలో రెండు వికెట్లు తీశారు. ఈ మ్యాచ్లో పేసర్ బుమ్రా 20 ఓవర్లు వేసి 34 పరుగులిచ్చి రెండు వికెట్లు తీశాడు. ఇందులో తొమ్మిది ఓవర్లు మెడిన్ ఓవర్లు కావడం విశేషం.
|
శుక్రవారం రెండు వికెట్లు తీసిన బుమ్రా
అయితే, బుమ్రా తీసిన రెండు వికెట్లు కూడా కీలక వికెట్లు కావడం విశేషం. ఈ మ్యాచ్లో బుమ్రా పీటర్ హ్యాండ్స్కోంబ్, పాట్ కమ్మిన్స్లను పెవిలియన్కు చేర్చాడు. ఈ మ్యాచ్లో బుమ్రా ఫాస్టెస్ట్ డెలివరీని సంధించడం విశేషం. తొలి స్పెల్లో బుమ్రా వేసిన ఓ బంతి 153 km/h వేగాన్ని నమోదు చేసింది. ఈ క్రమంలో ఆసీస్ పేసర్లు మిచెల్ స్టార్క్, కమ్మిన్స్ వేగాన్ని బుమ్రా అధిగమించాడు.
|
మిచెల్ స్టార్క్ వేగాన్ని అధిగమించిన బుమ్రా
ఆస్ట్రేలియా పిచ్లు పేస్ బౌన్స్కు పెట్టింది పేరు. ఆసీస్ బౌలర్లు సైతం ప్రత్యర్ధి జట్టు బ్యాట్స్మెన్లను తమ బౌన్సర్లతో భయభ్రాంతులకు గురి చేసే సంగతి తెలిసిందే. ఈ టెస్టులో భారత తొలి ఇన్నింగ్స్లో ఆసీస్ పేసర్ మిచెల్ స్టార్క్ వేసిన ఓ బంతి 149 km/h వేగాన్ని నమోదు చేసింది. ఇందుకు సంబంధించిన ఫోటోని క్రికెట్ ఆస్ట్రేలియా తన ట్విట్టర్లో అభిమానులతో పంచుకున్న సంగతి తెలిసిందే.