జేమ్స్ అండర్సన్ ముందు బ్రెండన్ మెక్కల్లమ్ బచ్చా ప్లేయర్.. కానీ ఇప్పుడు మెక్కల్లమ్ కోచింగ్లో అండర్సన్ ఆట

అండర్సన్ ఆడేనాటికి మెక్కల్లమ్ ఒక్క టెస్ట్ కూడా ఆడలేదు.

2022 జూన్‌లో అంటే నేటి మ్యాచ్‌లో లార్డ్స్ వేదికపై 4/66ప్రదర్శనతో చెలరేగిన జేమ్స్ అండర్సన్.. ప్రస్తుతం ఇంగ్లాండ్ కొత్త కోచ్ బ్రెండన్ మెక్కల్లమ్ మార్గదర్శకత్వంలో ఆడుతున్నాడు. అయితే అండర్సన్ టెస్టుల్లో అరంగేట్రం చేసే నాటికి మెక్కల్లమ్ ఒక్క టెస్టు మ్యాచ్ కూడా ఆడలేదు. 2003 మేలో అండర్సన్ టెస్టులో ఇంగ్లాండ్ తరఫున అరంగేట్రం చేశాడు. ఇక జింబాబ్వేపై లార్డ్స్ వేదికగా అరంగేట్రం చేసిన అండర్సన్ అప్పట్లో 5/73ప్రదర్శనతో చెలరేగాడు. ఇక అప్పటికీ మెక్కల్లమ్ ఒక్క అంతర్జాతీయ టెస్టు కూడా ఆడలేదు. అంటే అండర్సన్ కన్న మెక్కల్లమే బచ్చే ఆటగాడు. కానీ ప్రస్తుతం సీన్ మాత్రం.. మెక్కల్లమ్ కోచ్‌ గా కొనసాగుతుంటే.. అండర్సన్ ఇంకా ప్లేయర్‌గా ఆడుతున్నాడు. ఇక మెక్కల్లమ్ కోచింగ్లోనే అండర్సన్ ఆడుతుండడం మరో విశేషం.

మెక్కల్లమ్ ను అత్యధిక సార్లు ఔట్ చేసింది కూడా..

ఇకపోతే తొలి టెస్టులో రీఎంట్రీ ఇచ్చిన స్టువర్ట్ బ్రాడ్.. అంతర్జాతీయ క్రికెట్లో బ్రెండన్ మెక్కల్లమ్‌ను అత్యధికంగా 10సార్లు ఔట్ చేశాడు. అలాగే జేమ్స్ అండర్సన్ 8సార్లు ఔట్ చేశాడు. ఇక మెక్కల్లమ్‌ను అత్యధికంగా ఔట్ చేసిన వారిలో టాప్ 1లో స్టువర్ట్ బ్రాడ్ ఉండగా.. 3వ స్థానంలో అండర్సన్ ఉన్నాడు. శ్రీలంకన్ లెజెండరీ ప్లేయర్ ముత్తయ్య మురళీ ధరన్ 9సార్లు, ఇండియన్ మాజీ పేసర్ జహీర్ ఖాన్ 8సార్లు, శ్రీలంక మాజీ ప్లేయర్ రంగన్ హెరత్ 8సార్లు మెక్కల్లమ్‌ను ఔట్ చేశారు. ఇప్పుడు స్టువర్ట్ బ్రాడ్, అండర్సన్ మాత్రమే ఇంటర్నేషనల్ క్రికెట్ ఆడుతుంటే.. మిగతా వారు రిటైరైపోయారు. ప్రస్తుతం కోచ్ మెక్కల్లమ్ మార్గదర్శకత్వంలో ఇంగ్లాండ్‌కు వీరిద్దరు ఆడుతుండడం గమనార్హం.

సింగిల్ గ్రౌండ్లో అత్యధిక సార్లు బౌలింగ్ వేసిన ప్లేయర్‌గా

ఇకపోతే ఈ మ్యాచ్‌లో అండర్సన్ ఓ అరుదైన రికార్డు నమోదు చేశాడు. ఒకే గ్రౌండ్స్‌లో అత్యధిక ఇన్నింగ్స్ లలో బౌలింగ్ చేసిన ప్లేయర్‌గా రికార్డు నెలకొల్పాడు. ఒకే గ్రౌండ్లో అత్యధిక టెస్ట్ ఇన్నింగ్స్‌లు ఆడిన టాప్-5 ప్లేయర్లు

50 ఇన్నింగ్స్‌లు - లార్డ్స్ గ్రౌండ్లో జేమ్స్ అండర్సన్ (ఇంగ్లాండ్)

49 ఇన్నింగ్స్‌లు - లార్డ్స్ గ్రౌండ్లో స్టువర్ట్ బ్రాడ్ (ఇంగ్లాండ్)

46 ఇన్నింగ్స్‌లు - కోలొంబో గ్రౌండ్లో ముత్తయ్య మురళీ ధరన్ (శ్రీలంక)

40 ఇన్నింగ్స్‌లు - కొలొంబో గ్రౌండ్లో చమీందా వాస్ (శ్రీలంక)

38 ఇన్నింగ్స్‌లు - వెల్లింగ్టన్ గ్రౌండ్లో డానియల్ వెటోరీ (న్యూజిలాండ్)