విశాఖ వన్డే మ్యాచ్ కు 'సమైక్య' దెబ్బ

హైదరాబాద్: శ్రీలంక, భారత్ ల మధ్య ఈ నెల 18వ తేదీన జరగాల్సిన వన్డే మ్యాచ్ క్రికెట్ మ్యాచుకు సమైక్యాంధ్ర ఉద్యమం దెబ్బ తగిలే ప్రమాదం ఉంది. వన్డే మ్యాచ్ ను అడ్డుకుంటామని సమైక్యాంధ్ర ఉద్యమ సంయుక్త కార్యాచరణ కమిటీ (జెఎసి) ప్రకటించింది. దీంతో వన్డే టికెట్ల అమ్మకాలను నిలిపేశారు.

విశాఖపట్నంలోని ఆంధ్ర విశ్వవిద్యాలయం విద్యార్థులు సమైక్యాంధ్ర నినాదం కోసం ఉద్యమిస్తున్నారు. వారు రిలే నిరాహార దీక్షలు, ర్యాలీలు నిర్వహిస్తున్నారు. ఈ స్థితిలో 18వ తేదీన వన్డే మ్యాచు విశాఖపట్నంలో జరుగుతుందా, లేదా అనే అనుమానాలు తలెత్తాయి.