తప్పు చేసిన కావ్య పాప!.. ఈ ఐదుగురు ఆటగాళ్లు ఔట్!!

IPL 2025: ఐపీఎల్ 2025లో‌ సన్‌రైజర్స్ హైదరాబాద్ ప్రదర్శన చాలా పేలవంగా ఉంది. సన్‌రైజర్స్ హైదరాబాద్ 10 మ్యాచ్‌ల్లో కేవలం 3 మాత్రమే గెలిచి 7 మ్యాచ్‌ల్లో ఓడిపోయింది. దీని కారణంగా ఆ జట్టు ఇప్పుడు ప్లేఆఫ్ రేసు నుంచి నిష్క్రమించింది. ఈ పరిస్థితికి సన్‌రైజర్స్ హైదరాబాద్ జట్టులోని కొంత మంది ఆటగాళ్ల పేలవ ప్రదర్శనే కారణం. సన్‌రైజర్స్ హైదరాబాద్ ఫ్రాంచైజీ యజమాని కావ్య మారన్ ఈ ఆటగాళ్ల కోసం చాలా డబ్బు ఖర్చు చేశారు. కానీ వారు అంతగా రాణించలేకపోయారు. ఈ సీజన్ లో పేలవ ప్రదర్శన చేసిన ఆటగాళ్లను ఎస్ఆర్‌హెచ్ వచ్చే ఏడాది విడుదల చేసే అవకాశం ఉంటుంది. ఆ ఆటగాళ్లు ఎవరో తెలుసుకుందాం.

ఇషాన్ కిషన్ విఫలం
ఐపీఎల్ 2025లో ఇషాన్ కిషన్ బ్యాటింగ్‌తో అంత గొప్పగా ఏమీ రాణించలేదు. ఈ సీజన్‌లో తన తొలి మ్యాచ్‌లోనే ఇషాన్ కిషన్ సెంచరీ చేశాడు. కానీ అప్పటి నుంచి ఇషాన్ కిషన్ ఒక్క మంచి ఇన్నింగ్స్ కూడా బాగా ఆడలేదు. మిగిలిన 9 మ్యాచ్‌ల్లో ఇషాన్ కిషన్ 90 పరుగులు మాత్రమే చేశాడు. హైదరాబాద్ జట్టు ఇషాన్ కిషన్‌ను రూ.11.25 కోట్లకు తమ జట్టులోకి తీసుకుంది.

మహ్మద్ షమీ చెత్త బౌలింగ్
సన్‌రైజర్స్ హైదరాబాద్ జట్టు మహ్మద్ షమీని తమ జట్టులోకి తీసుకుంది. షమీ చాలా వికెట్లు తీస్తాడని, మ్యాచ్‌లను గెలిపిస్తాడని ఆశతో ఉన్నారు. కానీ మహ్మద్ షమీ సీజన్ అంతటా విఫలమయ్యాడు. షమీ 9 మ్యాచ్‌ల్లో 6 వికెట్లు మాత్రమే తీయగలిగాడు. మహ్మద్ షమీ ఎకానమీ 11 కంటే ఎక్కువ. అటువంటి పరిస్థితిలో సన్‌రైజర్స్ హైదరాబాద్ అతడిని వచ్చే సీజన్‌లో వదులుకోవచ్చు.

ఆడమ్ జంపా కూడా ఔట్..
సన్‌రైజర్స్ హైదరాబాద్ ఆడమ్ జంపాను రూ.2.40 కోట్లకు తమ జట్టులోకి చేర్చుకుంది. అయితే ఈ ఐపీఎల్ సీజన్‌లో ఆడమ్ జంపా కేవలం 2 మ్యాచ్ లు మాత్రమే ఆడాడు. ఈ 2 మ్యాచ్‌ల్లో ఆడమ్ జంపా కేవలం 2 వికెట్లు మాత్రమే తీయగలిగాడు. తర్వాత గాయం కారణంగా ఆడమ్ జంపా ఐపీఎల్ నుంచి నిష్క్రమించాల్సి వచ్చింది. హైదరాబాద్ జట్టులో జీషన్ అన్సారీ లాంటి లెగ్ స్పిన్నర్ ఉన్నాడు. కాబట్టి సన్‌రైజర్స్ హైదరాబాద్ జంపాను వదులుకోవచ్చు.

నితీష్ కుమార్ రెడ్డిపై వేలాడుతోన్న కత్తి
సన్‌రైజర్స్ హైదరాబాద్ జట్టు ఆల్‌రౌండర్ నితీష్ కుమార్ రెడ్డిపై చాలా నమ్మకంగా ఉంది. అతడిని జట్టు నిలుపుకుంది. అయితే నితీష్ కుమార్ రెడ్డి ప్రదర్శన అంత బాగా లేదు. అతను 10 మ్యాచ్‌ల్లో ఈ ఆటగాడు కేవలం 120 స్ట్రైక్ రేట్‌తో 173 పరుగులు చేశాడు. ఈ సీజన్‌లో నితీష్ కుమార్ రెడ్డి ఒక్క మ్యాచ్‌లోనూ బౌలింగ్ చేయలేదు.

అభినవ్ మనోహర్ కూడా విఫలం
ఐపీఎల్ 2025 మెగా వేలంలో సన్‌రైజర్స్ హైదరాబాద్ జట్టు అభినవ్ మనోహర్‌ను రూ.3.2కోట్లకు తమ జట్టులోకి తీసుకుంది. ఐపీఎల్ 2025లో అభినవ్ మనోహర్ 12 సగటుతో 49 పరుగులు మాత్రమే చేశాడు. ఈ సీజన్‌లో అభినవ్ మనోహర్‌కు జట్టులో పెద్దగా అవకాశం రాలేదు.