హైదరాబాద్: టీ20ల్లో అరుదైన సందర్భం చోటు చేసుకుంది. ఐర్లాండ్లోని ఓయెస్టర్ ఓవల్ వేదికగా స్కాట్లాండ్-ఐర్లాండ్ జట్ల మధ్య జరిగిన టీ20 మ్యాచ్ ఓ అరుదైన రికార్డుని సాధించింది. ద్వైపాక్షిక టీ20 సిరీస్లో భాగంగా ఇరు జట్ల మధ్య ఆదివారం జరిగిన నాలుగో టీ20 మ్యాచ్లో ఫలితం తేలలేదు.
ఈ మ్యాచ్లో తొలుత బ్యాటింగ్ చేసిన స్కాట్లాండ్ నిర్ణీత ఓవర్లలో నాలుగు వికెట్ల నష్టానికి 185 పరుగులు చేయగా, ఆ తర్వాత లక్ష్య ఛేదనలో బరిలోకి దిగిన ఐర్లాండ్ సైతం 185 పరుగులకే పరిమితమైంది. దీంతో మ్యాచ్ టైగా ముగిసింది. టీ20ల్లో 2015 తర్వాత ఓ మ్యాచ్ ఫలితం తేలకుండా టై ముగియడం ఇదే తొలిసారి.
మూడేళ్ల క్రితం ఇంగ్లాండ్-పాకిస్తాన్ జట్ల మధ్య జరిగిన టీ20 మ్యాచ్ చివరిసారి టైగా ముగిసింది. ఆ తర్వాత మళ్లీ ఇన్నాళ్లకు ఆదివారం స్కాట్లాండ్-ఐర్లాండ్ జట్ల మధ్య జరిగిన టీ20 మ్యాచ్ ఫలితం తేలకుండా ముగిసింది. ఆరు టీ20ల సిరిస్లో భాగంగా టాస్ గెలిచిన స్కాట్లాండ్ జట్టు తొలుత బ్యాటింగ్ ఎంచుకుంది.
MATCH REPORT: Ireland in a thrilling tied match after big run chase against Scotland https://t.co/sVQJN9nuQF #BackingGreen pic.twitter.com/YH7JTy73Eh
— Cricket Ireland (@Irelandcricket) June 17, 2018
స్కాట్లాండ్ ఆటగాళ్లలోకోయిట్జర్(54) హాఫ్ సెంచరీతో రాణించగా... మెక్లీయాడ్(46), జార్జ్ మున్సే(46) ఫరవాలేదనిపించారు. దీంతో స్కాట్లాండ్ నిర్ణీత 20 ఓవర్లలో 4 వికెట్లు కోల్పోయి 185 పరుగులు చేసింది. అనంతరం భారీ లక్ష్యంతో బరిలోకి దిగిన ఐర్లాండ్ తొలుత దూకుడుగా ఆడింది.
ఐర్లాండ్ ఓపెనర్ పాల్ స్టిర్లింగ్(81; 41 బంతుల్లో 5 ఫోర్లు, 6 సిక్సర్లు) చెలరేగాడు. దీంతో ఈ మ్యాచ్లో ఐర్లాండ్ విజయం సాధిస్తుందని అంతా భావించారు. అయితే స్కాట్లాండ్ బౌలర్లు చివర్లో కట్టడిగా బౌలింగ్ చేయడంతో ఐర్లాండ్ విజయానికి పరుగు ముందు ఆగిపోయి, టైతో సరిపెట్టుకుంది.
MATCH RESULT: Ireland and Scotland play out a high-scoring tie! #BackingGreen pic.twitter.com/5O76LuVgnY
— Cricket Ireland (@Irelandcricket) June 17, 2018