హోటల్ లో చాటుమాటుగా ఐపీఎల్ స్టార్ ప్లేయర్ ఘనకార్యం: సీసీటీవీ ఫుటేజీలో

ఐపీఎల్ స్టార్ ప్లేయర్ చిక్కుల్లో పడ్డాడు. ఐపీఎల్ గవర్నింగ్ కౌన్సిల్ రూపొందించిన నిబంధనలకు విరుద్ధంగా వ్యవహరించాడు. దీనికి సంబంధించిన ఓ వీడియో.. సోషల్ మీడియాలో వైరల్‌గా మారింది. ఈ పరిణామం ఆ జట్టు కూడా వివరణ ఇచ్చుకునే పరిస్థితికి దారి తీసినట్టయింది. అభిమానులు కూడా ఆందోళన వ్యక్తం చేస్తోన్నారు.

ఆ ప్లేయర్.. కగిసొ రబడ. బస చేసిన స్టార్ హోటల్ లో రబడ స్కోక్ చేశాడు. సిగరెట్ తాగాడు. ఇది హోటల్ లో అమర్చిన సీసీటీవీ కెమెరాల్లో రికార్డయింది. ఈ క్లిప్ ఆన్‌లైన్‌లో విస్తృత చర్చకు దారితీసింది. ఈ ఫుటేజీలో రబడ స్పష్టంగా కనిపించాడు. గుజరాత్ టైటాన్స్ ఫ్రాంఛైజీకి సంబంధించిన మరికొందరు కూడా ఈ క్లిప్‌లో ఉన్నారు. వారెవరనేది స్పష్టం కావట్లేదు. ఈ వీడియో ఎప్పుడు రికార్డయిందనేది తెలియరావట్లేదింకా.

దక్షిణాఫ్రికాకు చెందిన రబడ.. ఈ సీజన్‌లో గుజరాత్ టైటాన్స్ జట్టుకు కీలక ఆటగాడు. ఇప్పటివరకు ఆరు మ్యాచ్‌లల్లో 10 వికెట్లు పడగొట్టాడు. అత్యధిక వికెట్లు తీసుకున్న పర్పుల్ క్యాప్ జాబితాలో ఏడో స్థానంలో ఉన్నాడు. 22.20 సగటు, 9.73 ఎకానమీ రేటును నమోదు చేశాడు. ఈ వీడియో బయటపడటంతో రబడ గత చరిత్ర కూడా వెలుగులోకి వచ్చింది. గత ఐపీఎల్ సీజన్‌ టైమ్ లో సౌత్ ఆఫ్రికన్ ఇన్‌స్టిట్యూట్ ఫర్ డ్రగ్ ఫ్రీ స్పోర్ట్స్ విధించిన నెల రోజుల నిషేధానికి గురయ్యాడు.

టోర్నమెంట్ మధ్యలో నిషేధానికి గురయ్యాడు. ఆ తర్వాత మళ్లీ గుజరాత్ టైటాన్స్ జట్టులోకి తిరిగి వచ్చాడు. డోపింగ్ నేర వివరాలు బయటపెట్టకపోవడంతో పలు ఊహాగానాలకు తావిచ్చింది. ప్రస్తుతం, మూడు విజయాలతో ఐపీఎల్ పాయింట్ల పట్టికలో గుజరాత్ టైటాన్స్ ఆరో స్థానంలో కొనసాగుతోంది, ప్లేఆఫ్ కోసం పోరాడుతోంది.

ఈ నెల 24న చిన్నస్వామి స్టేడియంలో రాయల్ ఛాలెంజర్స్ బెంగళూరుతో తలపడాల్సి ఉందీ జట్టుకు. ఇదివరకు యుజువేంద్ర చాహల్ ఇదే తరహా ఆరోపణలను ఎదుర్కొన్నాడు. ధూమపానం చేస్తూ డ్రైవింగ్ చేసినట్లు ఆరోపణలు వచ్చిన వైరల్ క్లిప్ అప్పట్లో సోషల్ మీడియాలో వైరల్ అయింది.