నైట్ రైడర్స్, గేమ్ ప్లాన్ లకు ఐటి నోటీసులు

కోల్ కతా: నైట్ రైడర్స్ స్పోర్ట్స్ ప్రైవేట్ లిమిటెడ్, గేమ్ ప్లాన్ స్పోర్ట్స్ లకు ఆదాయం పన్ను శాఖ అధికారులు నోటీసులు జారీ చేశారు. ఇటీవలి సోదాల్లో లభించిన విషయాలపై వివరణకు తమ ముందు హాజరు కావాలని ఆ రెండు సంస్థలకు నోటీసులు జారీ అయ్యాయి. ఈ విషయాన్ని ఐటి దర్యాప్తు (తూర్పు) డైరెక్టర్ జనరల్ వినోద్ ఖురానా వెల్లడించారు.

అక్రమాలు జరిగాయా లేదా అనే విషయాన్ని కనుక్కోవడానికి అధికారులు పరిశీలన జరుపుతున్నట్లు ఆయన తెలిపారు. కెఆర్ ముంబై ఐటి షేర్ హోల్డింగ్ విధానాన్ని, ఫండింగ్ ను పరిశీలిస్తుందని ఆయన చెప్పారు. ఆ రెండు సంస్థలు తమ తరఫు న్యాయవాదులను కూడా పంపవచ్చునని, వ్యక్తిగతంగా ఆ సంస్థ యజమానులే హాజరు కావాల్సిన అవసరం లేదని అన్నారు.