IPL Media Rights: సోనీకి కాదు స్టార్‌ స్పోర్ట్స్‌కే టీవీ ప్రసార హక్కులు, వయాకమ్‌కు డిజిటల్ రైట్స్.. !

వయాకామ్ నుంచి కొత్త యాప్ రానుందా?

వయాకామ్ తన వుట్ యాప్ ద్వారా మ్యాచ్‌లను స్ట్రీమ్ చేయనుందా? లేకుంటే కొత్తగా యాప్ తీసుకొస్తుందా అనేది తెలియాల్సి ఉంది. ఇక డిస్నీ స్టార్.. తన స్టార్ స్పోర్ట్స్ ఛానల్ ద్వారా టీవీల్లో లైవ్ ప్రసారం చేయనుంది. ఇక ప్యాకేజీ C 18 ఎక్స్ క్లూజివ్ మ్యాచ్ ల హక్కులను దక్కించుకోవడానికి 1813కోట్లకు పైగా వేలంపాటలో బిడ్డర్లు వేలం వేస్తున్నారు. ఇక ప్యాకేజీ సీ, ప్యాకేజీ డీ వేలంపాట రేపు ఉదయం 11గంటలకు మళ్లీ తిరిగి ప్రారంభం కానుంది. ఇక మొత్తం బీసీసీఐ ప్రసార హక్కుల వేలం ద్వారా 46,000కోట్ల మేర ఆర్జించినట్లయింది. రేపు ఈ విలువ మరింత పెరగనుంది.

టీవీ, డిజిటల్ హక్కులు కలిపి ఒక్కో మ్యాచ్‌కు 107.5కోట్లు

ఇక A+B ప్యాకేజీల (టీవీ, డిజిటల్ హక్కులు) ద్వారా బీసీసీఐకి రూ. 44,075 కోట్ల ($5.64 బిలియన్లు) భారీ మొత్తం అందనుంది. ఇక డిజిటల్ హక్కులు ఒక్కో మ్యాచ్‌కు 50కోట్లు పలకగా.. టీవీ ప్రసార హక్కులు ఒక్కో మ్యాచ్‌కు 57.5 కోట్ల మేర పలికింది. దీంతో ఒక్కో మ్యాచ్‌కు 107.5కోట్ల భారీ మొత్తం టీవీ, డిజిటల్ హక్కుల ద్వారా బీసీసీఐకి లభించనుంది. ఇక వచ్చే ఐదేళ్ల పాటు ఐపీఎల్ ప్రసారాన్ని ఇరు బ్రాడ్ కాస్టర్లు చూసుకోవడం ఆసక్తికరంగా మారనుంది. 2వ రోజు వేలం ద్వారా బీసీసీఐకి ఇప్పటివరకు 45,888 కోట్లు వచ్చినట్లు ఖరారైంది. ఇక అన్ని ప్యాకేజీల వేలం ముగిసేసరికి ఎంత మేర బీసీసీఐకి దక్కనుందో తెలియనుంది.

వేలం ముఖ్యాంశాలు

ప్యాకేజీ A - IPL టీవీ ప్రసార హక్కుల ప్యాకేజీ ఒక్కో మ్యాచ్‌కు 57.5కోట్లకు విక్రయం కన్ఫమ్ అయింది. - స్టార్ స్పోర్ట్స్

ప్యాకేజీ B - IPL డిజిటల్ ప్రసార హక్కులు ఒక్కో మ్యాచ్‌కు 50కోట్ల వద్ద విక్రయం కన్ఫమ్ అయింది. - వయాకమ్18

ప్యాకేజీ C - ప్రస్తుతం ఒక్కో మ్యాచ్‌కు 18.5 కోట్లు / విలువ 1818 CR వద్ద టెండర్ నడుస్తుంది. రేపు మళ్లీ వేలం జరగుతుంది.

ప్యాకేజీ D - రేపు పూర్తి వివరాలు తెలుస్తాయి.