IPL Qualifier-2: క్వాలిఫయర్-2 విజేతను నిర్ణయించే 5గురు ఆటగాళ్లు వీరే..!

IPL Qualifier-2: ఐపీఎల్ క్వాలిఫయర్-2 ఆదివారం(నేడు) అహ్మదాబాద్‌లోని నరేంద్ర మోడీ స్టేడియంలో పంజాబ్ కింగ్స్, ముంబై ఇండియన్స్ జట్ల మధ్య జరగనుంది. ఈ మ్యాచ్‌లో గెలిచిన జట్టు జూన్ 3న టైటిల్ మ్యాచ్ ఆడనుంది. ఆర్సీబీ ఇప్పటికే ఫైనల్ చేరిన సంగతి తెలిసిందే. క్వాలిఫయర్-2లో గెలిచిన జట్టు ఫైనల్‌లో రాయల్ ఛాలెంజర్స్ బెంగళూరు జట్టుతో తలపడనుంది.

పంజాబ్ కింగ్స్ జట్టు ఇటీవల ఫామ్ గురించి చెప్పాలంటే.. ఆ జట్టు 14 మ్యాచ్‌లలో 9 గెలిచి లీగ్ మ్యాచ్‌ల తర్వాత పాయింట్ల పట్టికలో అగ్రస్థానంలో నిలిచింది. అదే సమయంలో సీజన్ ప్రారంభంలో జరిగిన మొదటి 5 మ్యాచ్‌లలో నాలుగింటిలో ముంబై ఇండియన్స్ ఓటమిని ఎదుర్కోవలసి వచ్చింది. కానీ ఆ తర్వాత వారు అద్భుతమైన పునరాగమనం చేసి వరుసగా 6 మ్యాచ్‌లను గెలిచి చివరకు ప్లేఆఫ్స్‌కు చేరుకున్నారు. అయితే ఇప్పుడు క్వాలిఫయర్-2 విజేతను నిర్ణయించగల ఐదుగురు ఆటగాళ్ల గురించి తెలుసుకుందాం.

సూర్యకుమార్ యాదవ్
ముంబై ఇండియన్స్ స్టార్ క్రికెటర్ సూర్యకుమార్ యాదవ్ ప్రస్తుతం మంచి ఫామ్‌లో ఉన్నాడు. ఈ సీజన్‌లో ముంబై తరఫున 15 మ్యాచ్‌ల్లో 67.30 సగటుతో 673 పరుగులు చేశాడు. ఆరెంజ్ క్యాప్ రేసులో సాయి సుదర్శన్ తర్వాత సూర్యకుమార్ యాదవ్ రెండో స్థానంలో ఉన్నాడు.

శ్రేయస్ అయ్యర్
గొప్ప ఫామ్‌లో ఉన్న పంజాబ్ కెప్టెన్ మ్యాచ్‌ను తనంతట తానుగా మలుపు తిప్పగల సామర్థ్యం కలిగి ఉన్నాడు. ఐపీఎల్ 2025లో ఇప్పటివరకు శ్రేయస్ అయ్యర్ 15 మ్యాచ్‌లు ఆడాడు. ఇందులో శ్రేయస్ అయ్యర్ 46.91 సగటుతో 516 పరుగులు చేశాడు. శ్రేయస్ అయ్యర్ బ్యాట్ నుంచి 5 అర్థసెంచరీలు వచ్చాయి.

జస్‌ప్రీత్ బుమ్రా
ముంబై జట్టుకు చెందిన స్టార్ బౌలర్ జస్‌ప్రీత్ బుమ్రా ప్రపంచంలోనే అత్యంత ప్రమాదకరమైన బౌలర్లలో ఒకడు. ఈ సీజన్‌లో జస్‌ప్రీత్ బుమ్రా 11 మ్యాచ్‌ల్లో 18 వికెట్లు పడగొట్టాడు. బుమ్రా 7 కంటే తక్కువ ఎకానమీ రేటుతో పరుగులు ఇచ్చాడు. ఎలిమినేటర్ మ్యాచ్‌లో బుమ్రా వాషింగ్టన్ సుందర్ వికెట్ తీయడం ద్వారా మ్యాచ్ గమనాన్ని మార్చాడు

అర్ష్‌దీప్ సింగ్
ముంబై జట్టులో జస్‌ప్రీత్ బుమ్రా , పంజాబ్ జట్టులో అర్ష్‌దీప్ సింగ్ ఉన్నారు. అర్ష్‌దీప్ సింగ్ ఈ సీజన్‌లో పంజాబ్ తరఫున అత్యంత విజయవంతమైన బౌలర్‌గా ఉన్నాడు. 15 మ్యాచ్‌ల్లో 18 వికెట్లు పడగొట్టాడు. రోహిత్ శర్మ ఎడమచేతి వాటం పేసర్లను ఆడటంలో ఇబ్బంది పడుతున్నాడు. అర్ష్‌దీప్ దీనిని సద్వినియోగం చేసుకోవాలనుకుంటున్నాడు.

రోహిత్ శర్మ
ముంబై ఇండియన్స్ ఓపెనింగ్ బ్యాటర్‌గా రోహిత్ శర్మ ఎలిమినేటర్ మ్యాచ్‌లో 81 పరుగుల కీలక ఇన్నింగ్స్ ఆడాడు. రోహిత్ శర్మ ఈ సీజన్‌లో ఇప్పటివరకు 14 మ్యాచ్‌ల్లో 410 పరుగులు చేశాడు. ఈ కాలంలో రోహిత్ బ్యాట్ నుంచి 4 హాఫ్ సెంచరీలు వచ్చాయి.