బౌలర్‌, బ్యాట్స్‌మన్‌ పడిపోయారు.. బంతి మాత్రం సిక్సర్‌ వెళ్ళింది

జడేజా అదుపుతప్పాడు:

ఇన్నింగ్స్ చివరి ఓవర్లో చెన్నై విజయానికి 18 పరుగులు అవసరం అయ్యాయి. క్రీజులో ఎంఎస్ ధోనీ, రవీంద్ర జడేజాలు ఉన్నారు. స్ట్రైకింగ్ లో జడేజా ఉండగా.. చివరి ఓవర్ వేసేందుకు రాజస్థాన్ బౌలర్ బెన్ స్టోక్స్‌ సిద్ధంగా ఉన్నాడు. స్టోక్స్‌ తొలి బంతిని ఆఫ్‌స్టంప్‌ ఆవల వేయగా.. జడేజా బలంగా బాదాడు. అయితే బంతిని బాదే క్రమంలో జడేజా అదుపుతప్పి కిందపడిపోయాడు. సీన్ కట్ చేస్తే.. బంతి వెళ్లి స్టాండ్స్ లో పడిపోయింది.

ఇద్దరూ పడినా బంతి మాత్రం సిక్సర్‌ వెళ్ళింది:

కిందపడిన జడేజా బంతి స్టాండ్స్ లోకి వెళ్లినా కూడా అలాగే చూస్తూ ఉన్నాడు. అవతలి ఎండ్ లో ఉన్న మహీ వచ్చి జడేజా తలపై బ్యాట్ తో కొట్టాడు. అప్పుడు సర్ జడేజా నవ్వుతూ లేచాడు. మరోవైపు బంతిని వేసిన స్టోక్స్‌ కూడా అదుపుతప్పి కిందపదిపోయి.. బంతి ఎటువెళ్తుందా అని చూడసాగాడు. బంతి స్టాండ్స్ లోకి వెళ్లగా నిరాశగా జడేజా వైపు చూస్తూ వెళ్ళిపోయాడు. ప్రస్తుతం దీనికి సంబందించిన వీడియో నెట్టింట్లో వైరల్ అయింది. ఇక ఆలస్యం ఎందుకు మీరూ ఓ లుక్కేయండి.

ఆఖరి ఓవర్లో ఉత్కంఠ:

చెన్నై ఆఖరి ఓవర్లో 18 పరుగులు చేయాల్సి రాగా.. తొలి బంతిని జడేజా సిక్సర్‌గా మలిచాడు. రెండో బంతి నోబాల్‌ వేయగా.. జడేజా ఓ పరుగు చేశాడు. ఫ్రీ హిట్ బంతికి ధోనీ 2 పరుగులు చేశాడు, కానీ మూడో బంతికి క్లీన్‌బౌల్డ్‌ అయ్యాడు. శాంట్నర్‌ నాలుగు బంతికి రెండు, ఐదో బంతికి రెండు పరుగులు చేశాడు. ఇక చివరి బంతికి నాలుగు పరుగులు అవసరం కాగా.. స్టోక్స్‌ వైడ్‌ వేశాడు. అదనంగా వచ్చిన బంతిని శాంట్నర్‌ సిక్స్‌ కొట్టేసి చెన్నైకి సంచలన విజయం అందించాడు.