రికార్డు సొమ్ముకు కెకెఆర్ కు బాండ్

ముంబై: రికార్డు మొత్తానికి సొమ్ము చెల్లించడానికి సిద్ధపడి కోల్ కత్తా నైట్ రైడర్స్ షేన్ బాండ్ ను సొంతం చేసుకుంది. ఐపియల్ వేలం పాటలు మంగళవారం ప్రారంభమయ్యాయి. న్యూజిలాండ్ సీమర్ షేన్ బాండ్ కు 7 లక్షల 50 వేల అమెరికా డాలర్లు చెల్లించడానికి సిద్ధపడి సొంతం చేసుకుంది. గ్రూప్ బి బిడ్ లో వేస్టిండీస్ బౌలర్ కెమర్ రోచ్ 7 లక్షల 20వేల డాలర్లు పలికాడు.

భారత ఆటగాడు మొహమ్మద్ కైఫ్ సొంతం చేసుకోవడానికి ఏ ఫ్రాంచైజ్ కూడా ముందుకు రాలేదు. అలాగే అఫ్రిది, హడిన్, స్వాన్ మొదటి రౌండ్ లో అమ్ముడు కాలేదు. పాకిస్తాన్ ఆటగాళ్ల పట్ల ఫ్రాంచైజ్ లు ఆసక్తి చూపలేదు. వైయిన్ పార్నెల్ ను ఢిల్లీ డేర్ డెవిల్స్ 6 లక్షల 10 వేల డాలర్లకు సొంతం చేసుకుంది. కీరోన్ పోల్లార్డ్ కోసం ముంబై ఇండియన్స్, రాయల్ చాలెంజర్స్, కెకెఆర్, చెన్నై సూపర్ కింగ్స్ పోటీ పడ్డాయి. ఈ ఆటగాడిని 7లక్షల 50 వేల డాలర్లకు ముంబై ఇండియన్స్ సొంతం చేసుకుంది.