IPL 2025: బుమ్ బుమ్ బుమ్రా ఎఫెక్ట్.. ముంబై దశ తిరిగిపోయింది!

Jasprit Bumrah Record: ఐపీఎల్ 2025లో ముంబై ఇండియన్స్ జట్టు తొలి వైఫల్యాల తర్వాత బలంగా పునరాగమనం చేసింది. వరుసగా మ్యాచ్‌ల్లో పరాజయం పాలైన తర్వాత గెలుపు బాట పట్టింది. ముంబై స్టార్ బౌలర్ జస్‌ప్రీత్ బుమ్రా ఐపీఎల్‌లోకి ప్రవేశించినప్పటి నుంచి ఐదుసార్లు ఛాంపియన్ అయిన ముంబై ఇండియన్స్ అదృష్టం మారిపోయింది. జస్‌ప్రీత్ బుమ్రా గతంలో కొంతకాలం పాటు గాయం కారణంగా క్రికెట్‌కు దూరమయ్యాడు. అనంతరం ఐపీఎల్‌లోకి ఎంట్రీ ఇచ్చిన నేపథ్యంలో అందరి మనస్సులో ఒకే ఒక ప్రశ్న ఉంది. బుమ్రా మళ్లీ దూకుడుగా రాణించగలడా అనే అనుమానాలు వ్యక్తం అయ్యాయి. కానీ జస్‌ప్రీత్ బుమ్రా వచ్చి రాగానే విమర్శకులందరి నోళ్లను మూయించాడు. బుమ్రాను తిరిగి వచ్చిన తర్వాత ముంబై ఇండియన్స్ జట్టు వరుసగా విజయాలను నమోదు చేస్తోంది. ముంబై ఇండియన్స్ జట్టు ప్లేఆఫ్స్‌కు దగ్గరగా వచ్చిన నేపథ్యంలో జస్ప్రీత్ బుమ్రా ఆధిపత్యాన్ని అంచనా వేయవచ్చు.

జస్‌ప్రీత్ బుమ్రా జట్టులోకి రాకముందు ముంబై 4 మ్యాచ్‌ల్లో కేవలం ఒక మ్యాచ్‌లో మాత్రమే గెలిచింది. ఒకానొక దశలో ముంబై ఇండియన్స్ జట్టు ప్లేఆఫ్స్ రేసు నుంచి కూడా దూరమవుతోందని అనిపించింది. కానీ బుమ్రా తిరిగి వచ్చిన ముంబై జట్టు దశ తిరిగిపోయింది. జస్‌ప్రీత్ బుమ్రా వచ్చిన తర్వాత ఆ జట్టు 7 మ్యాచ్‌ల్లో 6 మ్యాచ్‌ల్లో గెలిచి ఒక మ్యాచ్‌లో మాత్రమే ఓడిపోయింది. వరుసగా 6 మ్యాచ్‌ల్లో విజయం సాధించిన నేపథ్యంలో ఆ జట్టు ఆధిపత్యాన్ని అంచనా వేయవచ్చు.

ఈ సీజన్‌లో బుమ్రా గణాంకాలు ఇలా..
ఐపీఎల్ 2025లో జస్‌ప్రీత్ బుమ్రా ఇప్పటివరకు 7 మ్యాచ్‌లు ఆడి 11 వికెట్లు పడగొట్టాడు. లక్నో సూపర్ జెయింట్స్(LSG)తో జరిగిన మ్యాచ్‌లో జస్‌ప్రీత్ బుమ్రా అత్యుత్తమ ప్రదర్శన కనిపించింది. ఆ మ్యాచ్‌లో జస్‌ప్రీత్ బుమ్రా కేవలం 22 పరుగులకు 4 వికెట్లు పడగొట్టాడు. జస్‌ప్రీత్ బుమ్రా ప్రదర్శన మొత్తం సీజన్‌కే హైలెట్‌గా మారింది. ప్రతిసారీ లాగే ఈ సారి కూడా జస్‌ప్రీత్ బుమ్రా పొదుపుగా బౌలింగ్ చేశాడు. కేవలం 6.96 ఎకానమీ రేటుతో పరుగులు ఇచ్చాడు. జస్‌ప్రీత్ బుమ్రా ప్రదర్శన కారణంగా ప్రస్తుత సీజన్‌లో అత్యంత పొదుపుగా బౌలింగ్ చేసే బౌలర్‌గా నిలిచాడు.

జట్టుకు నాయకత్వంలో కూడా సహాయం
ప్రతి జట్టుతోనూ డెత్ ఓవర్లలో జస్‌ప్రీత్ బుమ్రా అద్భుతమైన యార్కర్లు, స్లో బాల్స్ వేశాడు. దీనివల్ల ప్రత్యర్థి జట్టు పరుగులు సాధించడం కష్టమైంది. జస్‌ప్రీత్ బుమ్రా తన ప్రదర్శనతోనే కాకుండా తన నాయకత్వంతో కూడా జట్టుకు సహాయం చేస్తున్నాడు. ఒక మ్యాచ్ సందర్భంగా జస్‌ప్రీత్ బుమ్రా రాజస్థాన్ రాయల్స్ ఫాస్ట్ బౌలర్ తుషార్ దేశ్‌పాండేకు ఒక సలహా కూడా ఇచ్చాడు. సిక్స్ కొట్టినా మనస్తత్వం పరంగా కొంచెం దూకుడుగా ఉండాలని సలహా ఇచ్చాడు. ఈ క్రమంలో జస్‌ప్రీత్ బుమ్రా మనస్తత్వాన్ని, యువ ఆటగాళ్లను ప్రేరేపించే సామర్థ్యాన్ని చూపిస్తుంది.