IPL 2025: విరాట్ దెబ్బకు.. బోరున ఏడ్చేసిన సొట్టబుగ్గల సుందరి!

IPL 2025: పంజాబ్ కింగ్స్ జట్టును ఓడించి రాయల్ ఛాలెంజర్స్ బెంగళూరు ఐపీఎల్ 2025 టైటిల్‌ను గెలుచుకుంది. ఈ విజయం తర్వాత ఆర్సీబీ జట్టు చాలా ఆనందంగా ఉంది. కానీ పంజాబ్ కింగ్స్ సహ యజమాని, బాలీవుడ్ నటి ప్రీతి జింటా భావోద్వేగానికి గురయ్యారు. విరాట్ కోహ్లీ, ఆర్సీబీల మాదిరిగానే పంజాబ్ కింగ్స్ కూడా ఐపీఎల్ ట్రోఫీని గెలుచుకోలేదు. ఆర్సీబీ కల నెరవేరింది కానీ పంజాబ్ నిరీక్షణ కొనసాగుతోంది.

ఓటమి కారణంగా నిరాశలో మునిగిపోయిన ప్రీతి జింటా
ప్రీతి జింటా కొన్ని చిత్రాలు, వీడియోలు సోషల్ మీడియాలో చాలా వైరల్ అవుతున్నాయి. ఫైనల్ మ్యాచ్ ముగిసిన తర్వాత ఆమె బరువెక్కిన హృదయంతో స్టేడియం నుంచి బయటకు వెళ్లడం కనిపించింది. తెల్ల కుర్తా, ఎరుపు దుపట్టా, సల్వార్ ధరించి ప్రీతి చాలా అందంగా కనిపించింది. కానీ ఓటమి కారణంగా ఆమె చాలా విచారంగా ఉంది. మ్యాచ్ తర్వాత స్టేడియం నుంచి బయలుదేరుతున్నప్పుడు ఆమె ముఖంలో నిరాశ స్పష్టంగా కనిపించింది. శ్రేయర్ అయ్యర్‌తో సహా చాలా మంది ఆటగాళ్లను ప్రీతి ఓదార్చడం కూడా కనిపించింది. ఈ సమయంలోఆమె కళ్లు కూడా తడిగా కనిపించాయి.

అత్యంత ఇష్టమైన యజమానులలో ఒకరు
ప్రీతి జింటా 2008 నుంచి ఐపీఎల్‌లో భాగమయ్యారు. ఆమె పంజాబ్ కింగ్స్ జట్టు సహ యజమానిగా ఉన్నారు. జట్టు పట్ల ఆమెకున్న ప్రేమ, స్టేడియంలో ఆమె ఆటగాళ్లను పలకరించే తీరు, ఆటగాళ్లతో ఆమెకున్న సంబంధం ఆమెను అత్యంత ఇష్టమైన యజమానులలో ఒకరిగా చేస్తుంది. అయితే దీని తర్వాత కూడా పంజాబ్ జట్టు ఇంకా టైటిల్ గెలవలేదు. అంతకు ముందు జట్టు 2014లో ఒక్కసారి మాత్రమే ఫైనల్ మ్యాచ్ ఆడింది.

బ్యాటింగ్‌లో విఫలమైన పంజాబ్
పంజాబ్ కింగ్స్ 191 పరుగుల విజయ లక్ష్యాన్ని ఛేదించలేకపోయింది. పరుగులు సులభంగా వస్తున్నాయి కానీ పంజాబ్ కింగ్స్ బ్యాటర్లు ఫైనల్ ఒత్తిడిని తట్టుకోలేకపోయారు. జోష్ ఇంగ్లిస్,శశాంక్ సింగ్ ఏ బ్యాటర్ కూడా స్వేచ్ఛగా ఆడలేకపోయారు. చివరి ఓవర్లో 4 బంతులు మిగిలి ఉండగానే జట్టు ఓటమి ఖాయమైంది. ఆ తర్వాత శశాంక్ సింగ్ కొన్ని మంచి షాట్లు ఆడినప్పటికీ జట్టు 6 పరుగుల తేడాతో ఓటమిని ఎదుర్కోవలసి వచ్చింది.