MS Dhoni: 11 ఏళ్ల ఐపీఎల్ రికార్డును బద్దలుకొట్టిన ధోని

MS Dhoni: ఇండియన్ ప్రీమియర్ లీగ్ 2025లో భాగంగా జరిగిన 30వ మ్యాచ్‌లో సీఎస్కే జట్టు లక్నోను 5 వికెట్ల తేడాతో ఓడించి ప్రస్తుత సీజన్ లో తమ రెండో విజయాన్ని సాధించింది. వరుసగా 5 మ్యాచ్ ల్లో ఓడిన తర్వాత సీఎస్కే జట్టు తిరిగి గెలుపు బాటలోకి వచ్చింది. లక్నో సూపర్ జెయింట్స్ దాని సొంత మైదానంలో ఓడించడం ద్వారా సీఎస్కే గత ఏడాది తన ఓటమికి ప్రతీకారం తీర్చుకుంది. ఈ మ్యాచ్ లో సీఎస్కే కెప్టెన్ ఎంఎస్ ధోని మ్యాచ్ ఫినిషర్ పాత్రను పోషించాడు. 11 బంతుల్లో అజేయంగా 26 పరుగులు చేసి జట్టుకు ఉత్కంఠభరితమైన విజయాన్ని అందించాడు.

ఈ మ్యాచ్‌లో లక్నో సూపర్ జెయింట్స్ నిర్దేశించిన 167 పరుగుల లక్ష్యాన్ని చెన్నై సూపర్ కింగ్స్ 3 బంతులు మిగిలి ఉండగానే 5 వికెట్లు కోల్పోయి ఛేదించింది. ఈ విధంగా ప్రస్తుత సీజన్ లో ఏడో మ్యాచ్ లో సీఎస్కే తన రెండో విజయాన్ని నమోదు చేసింది. మ్యాచ్ తర్వాత ధోనికి ప్లేయర్ ఆఫ్ ది మ్యాచ్ అవార్డు లభించింది. ఈ అవార్డును గెలుచుకోవడం ద్వారా ధోని 11 ఏళ్ల ఐపీఎల్ రికార్డును బద్దలుకొట్టాడు.

11 ఏళ్ల ఐపీఎల్ రికార్డును బద్దలుకొట్టిన ఎంఎస్ ధోని
నిజానికి లక్నో సూపర్ జెయింట్స్ 167 పరుగుల లక్ష్యాన్ని ఛేదించడానికి వచ్చిన సీఎస్కే జట్టు వేగంగా ఆరంభించింది. షేక్ రషీద్(27), రచిన్ రవీంద్ర(37) తొలి వికెట్ కు 52 పరుగులు జోడించారు. దీని తర్వాత సీఎస్కే 4 వికెట్లు కోల్పోయి 44 పరుగులు చేసింది. 96 పరుగుల వద్ద సీఎస్కే 4 వికెట్లు కోల్పోయింది. ఆ తర్వాత సీఎస్కే జట్టులో సగం మంది 111 పరుగుల వద్ద పెవిలియన్ చేరుకున్నప్పుడు ధోని జట్టు ఇన్నింగ్స్ ను నడపించే బాధ్యతను తీసుకున్నాడు. ధోని 11 బంతులు ఎదుర్కొని 4 ఫోర్లు, ఒక సిక్సర్ కొట్టి 26 పరుగులు చేసి అజేయంగా నిలిచి తన జట్టును విజయపథంలో నడిపించాడు. ధోనికి శివం దూబే మద్దతు ఇచ్చాడు. శివం దూబే అజేయంగా 43 పరుగులు చేశాడు.

మ్యాచ్ తర్వాత ఎంఎస్ ధోనికి ప్లేయర్ ఆఫ్ ది మ్యాచ్ అవార్డు లభించింది. ఎంఎస్ ధోని ఐపీఎల్ చరిత్రలో ఈ అవార్డును గెలుచుకున్న అతిపెద్ద వయస్కుడైన ఆటగాడిగా నిలిచాడు. 43 సంవత్సరాల 280 రోజుల వయస్సులో ఎంఎస్ ధోని ప్రవీణ్ తంబే 11 ఏళ్ల రికార్డును బద్దలుకొట్టాడు. 2014లో ప్రవీణ్ తంబే 42 సంవత్సరాల 208 రోజుల వయస్సులో కేకేఆర్ పై ప్లేయర్ ఆఫ్ ది మ్యాచ్ అవార్డును గెలుచుకున్నాడు. ఈ అవార్డును అందుకున్న అతిపెద్ద వయస్సు గల ఆటగాడిగా నిలిచాడు. కానీ ఇప్పుడు ధోని ప్రవీణ్ తంబే రికార్డును బద్దలు కొట్టాడు.

ఐపీఎల్ లో ప్లేయర్ ఆఫ్ ది మ్యాచ్ అవార్డు గెలుచుకున్న అతిపెద్ద వయస్సు ఆటగాడు
43 ఏళ్ల 281 రోజులు- ఎంఎస్ ధోని
44 సంవత్సరాల 60 రోజులు - ప్రవీణ్ తంబే
41 సంవత్సరాల 223 రోజులు -షేన్ వార్న్
41 సంవత్సరాల 181 రోజులు -ఆడమ్ గిల్‌క్రిస్ట్
41 సంవత్సరాల 35 రోజులు -క్రిస్ గేల్

కెప్టెన్ గా ధోనికి ఇది 17వ ప్లేయర్ ఆఫ్ ది మ్యాచ్ అవార్డు. ఎంఎస్ ధోని 2175 రోజుల తర్వాత అంటే దాదాపు 6 సంవత్సరాల తర్వాత ఈ అవార్డును గెలుచుకున్నాడు. అంతకు ముందు 2019లో చెపాక్ లో ఢిల్లీ క్యాపిటల్స్ తో జరిగిన మ్యాచ్ లో ధోని ఈ అవార్డును గెలుచుకున్నాడు. ఆ మ్యాచ్ లో ధోని 22 బంతుల్లో 44 పరుగులు చేసి, రెండు అద్భుతమైన స్టంపింగ్స్ చేశాడు.