IPL 2025: ధోని అభిమానులకు శుభవార్త.. రిటైర్మెంట్‌పై కీలక అప్‌డేట్

IPL 2025: గత 2 సీజన్లుగా ఐపీఎల్ నుంచి ఎంఎస్ ధోని రిటైర్మెంట్ గురించి చాలా ఊహాగానాలు వినిపిస్తున్నాయి. ఈ సీజ‌న్‌లో ధోని ఐపీఎల్ నుంచి రిటైర్ అవుతాడని అభిమానులు అనుకున్నప్పుడల్లా ధోని మళ్లీ ఆడుతూ అందరినీ అలరిస్తున్నాడు. ఎంఎస్ ధోని ఐపీఎల్ 2025లో ఆడటమే కాకుండా చెన్నై సూపర్ కింగ్స్ జట్టుకు కూడా కెప్టెన్‌గా వ్యవహరిస్తున్నాడు. తాజాగా ఎంఎస్ ధోని రిటైర్మెంట్‌కు సంబంధించి కీలక అప్‌డేట్ వచ్చింది.

ధోని ఐపీఎల్ 2026లో కూడా ఆడతాడా?
ఓ నివేదిక ప్రకారం.. ధోని కొన్ని నెలల తర్వాత తన రిటైర్మెంట్ గురించి నిర్ణయం తీసుకోవచ్చని తెలుస్తోంది. కానీ అలా సీఎస్కే జట్టులో ఇంకా చాలా సమస్యలు ఉన్నాయి. వాటిని పరిష్కరించడం కొంచెం కష్టమే. దీని వల్ల ఎంఎస్ ధోని ప్రస్తుతం జట్టును వదిలి వెళ్లలేడు. నిజానికి చెన్నై సూపర్ కింద్స్ జట్టులో యువ ఆటగాళ్లు ఉండాల్సిన అవసరం ఇంకా ఉంది. ఈ పరిస్థితిలో వికెట్ కీపర్, ఫినిషర్, గైడ్‌గా ధోని సీఎస్కే జట్టులో ఉండడం చాలా అవసరం.

ఐపీఎల్ 2025లో చెత్తగా రాణించిన సీఎస్కే
ఐపీఎల్ 2025లో చెన్నై సూపర్ కింగ్స్ ప్రదర్శన చాలా పేలవంగా ఉంది. ప్రారంభ మ్యాచ్‌లలో రుతురాజ్ గైక్వాడ్ సీఎస్కే కెప్టెన్‌గా ఉన్నాడు. కానీ గాయం కారణంగా గైక్వాడ్ మొత్తం టోర్నమెంట్‌కు దూరంగా ఉండాల్సి వచ్చింది. దీని తర్వాత కెప్టెన్సీని మరోసారి ఎంఎస్ ధోనికి అప్పగించారు. అయినప్పటికీ కూడా జట్టు ప్రదర్శన మెరుగుపడలేదు. ఐపీఎల్ 2025లో సీఎస్కే 12 మ్యాచ్‌లు ఆడింది. అందులో ఆ జట్టు 9 మ్యాచ్‌ల్లో ఓడిపోగా.. మూడింటిలో మాత్రమే విజయం సాధించింది. ప్రస్తుతం సీఎస్కే ప్లేఆఫ్ రేసు నుంచి నిష్క్రమించింది.

2023లో చివరి టైటిల్ గెలుచుకున్న సీఎస్కే
ఎంఎస్ ధోని కెప్టెన్సీలో చెన్నై సూపర్ కింగ్స్ ఐదుసార్లు ఐపీఎల్ టైటిల్‌ను గెలుచుకుంది. చివరిసారిగా 2023లో సీఎస్కే ఐపీఎల్ టైటిల్ ను గెలుచుకుంది. ఇదిలా ఉండగా.. ఎంఎస్ ధోని కెప్టెన్సీలోను సీఎస్కే జట్టును గుజరాత్ టైటాన్స్ ఓడించడంతో గత సీజన్‌లో సీఎస్కే జట్టు ప్లేఆఫ్‌కు చేరుకోలేకపోయింది.