IPL 2025 Final: ఆరెంజ్-పర్పుల్ క్యాప్ ఎవరు గెలుచుకున్నారు?.. అవార్డుల పూర్తి జాబితా ఇదే..

Full List of Awards IPL 2025: ఐపీఎల్ 2025 ఫైనల్ మ్యాచ్ రాయల్ ఛాలెంజర్స్ బెంగళూరు, పంజాబ్ కింగ్స్ జట్ల మధ్య చాలా ఉత్కంఠభరితంగా జరిగింది. ఆర్సీబీ 6 పరుగుల తేడాతో విజయం సాధించి 18 ఏళ్ల కలను సాకారం చేసుకుంది. 18 ఏళ్ల కరువును ముగించుకుని ఐపీఎల్ 2025 ట్రోఫీని గెలుచుకుంది. ఆర్సీబీ తన మొదటి ఐపీఎల్ టైటిల్‌ను గెలుచుకుంది. ఐపీఎల్ 2025 ఫైనల్ తర్వాత ఆటగాళ్లు బీసీసీఐ నుంచి అనేక అవార్డులను అందుకున్నారు. సాయి సుదర్శన్ ఆరెంజ్ క్యాప్‌ను కైవసం చేసుకోగా.. గుజరాత్ టైటాన్స్ బౌలర్ ప్రసిద్ధ్ కృష్ణ పర్పుల్ క్యాప్‌ను గెలుచుకున్నాడు. ఐపీఎల్ 2025 ఫైనల్ తర్వాత అందించిన అవార్డుల గురించి తెలుసుకుందాం.

అవార్డులను కైవసం చేసుకున్న ఆటగాళ్లు వీరే..
సాయి సుదర్శన్ ఆరెంజ్ క్యాప్‌ను గెలుచుకున్నాడు. ఈ సీజన్‌లో సాయి సుదర్శన్ 759 పరుగులు చేశాడు. దీనితో పాటు గుజరాత్ టైటాన్స్ ఫాస్ట్ బౌలర్ ప్రసిద్ధ్ కృష్ణ పర్పుల్ క్యాప్‌ను కైవసం చేసుకున్నాడు. ప్రసిద్ధ్ కృష్ణ మొత్తం 25 వికెట్లు తీశాడు. దీని తర్వాత మహమ్మద్ సిరాజ్ మోస్ట్ ఎకనామికల్ డాట్ బాల్ అవార్డును గెలుచుకున్నాడు. అదే సమయంలో సీఎస్కే ఫెయిర్ ప్లే అవార్డును గెలుచుకుంది. సూర్యకుమార్ యాదవ్ మోస్ట్ వాల్యూయబుల్ ప్లేయర్ టైటిల్‌ను గెలుచుకున్నాడు. దీనితో పాటు ఢిల్లీ అండ్ డిస్ట్రిక్ట్ క్రికెట్ అసోసియేషన్(DDCA) ఉత్తమ పిచ్, గ్రౌండ్‌ను సిద్ధం చేసినందుకు అవార్డను గెలుచుకుంది. ట్రోఫీని గెలుచుకున్న తర్వాత ఆర్సీబీ రూ.20కోట్ల ప్రైజ్ మనీని అందుకోగా.. ఓడిపోయిన జట్టు పంజాబ్‌కు రూ.12.50 కోట్లు దక్కాయి.

ఐపీఎల్ 2025 ఫైనల్ తర్వాత అవార్డులు గెలుచుకున్న ఆటగాళ్లు వీరే..

*ఐపీఎల్ 2025 ఛాంపియన్- రాయల్ ఛాలెంజర్స్ బెంగళూరు(RCB)
*ఐపీఎల్ 2025 రన్నరప్ - పంజాబ్ కింగ్స్(PBKS)
*ఫైనల్ ప్లేయర్ ఆఫ్ ది మ్యాచ్ - కృనాల్ పాండ్యా(RCB)
*ఎమర్జింగ్ ప్లేయర్ ఆఫ్ ది సీజన్ - సాయి సుదర్శన్(GT)
*సూపర్ స్ట్రైకర్ ఆఫ్ ది సీజన్-వైభవ్ సూర్యవంశీ(RR)
*ఫాంటసీ కింగ్ ఆఫ్ ది సీజన్- సాయి సుదర్శన్(GT)
*పర్పుల్ క్యాప్(25 వికెట్లు) -ప్రసిద్ధ్ కృష్ణ(GT)
*ఆరెంజ్ క్యాప్(759) - సాయి సుదర్శన్(GT)
*సీజన్‌లో అత్యధిక సిక్సర్లు -నికోలస్ పూరన్(LSG)
*సీజన్‌లో అత్యధిక ఫోర్లు - సాయి సుదర్శన్(GT)
*సీజన్‌లో అత్యధిక డాట్ బాల్స్ - మహమ్మద్ సిరాజ్(GT)
*సీజన్‌లో బెస్ట్ క్యాచ్ - కమిందు మెండిస్(SRH)
*ఫెయిర్ ప్లే అవార్డు - చెన్నై సూపర్ కింగ్స్(CSK)
*అత్యంత విలువైన ఆటగాడు(MVP) - సూర్యకుమార్ యాదవ్ (MI)