IPL 2025: ఆరెంజ్ ఆర్మీకి బ్యాడ్ న్యూస్..పాట్ కమిన్స్ జట్టును వీడనున్నాడా?

IPL 2025: ఐపీఎల్ 2025లో సన్‌రైజర్స్ హైదరాబాద్ ఇప్పటివరకు చాలా పేలవ ప్రదర్శన ఇచ్చింది. సన్‌రైజర్స్ హైదరాబాద్ 7 మ్యాచ్ ల తర్వాత కేవలం 2 మ్యాచ్‌ల్లో మాత్రమే విజయం సాధించగలిగింది. ఈ కారణంగా ఆ జట్టు ఇప్పుడు ప్లే ఆప్ రేసు నుంచి నిష్క్రమించే ప్రమాదంలో ఉంది. ఐపీఎల్ 2025లో గురువారం రాత్రి వాంఖడే స్టేడియంలో సన్‌రైజర్స్ హైదరాబాద్ ముంబై ఇండియన్స్‌తో తలపడింది. ఈ మ్యాచ్ లో హైదరాబాద్ 4 వికెట్ల తేడాతో ఓటమి పాలైంది. ఇదిలా ఉండగా.. ఇప్పుడు సన్‌రైజర్స్ హైదరాబాద్ మరో పెద్ద ఎదురుదెబ్బను ఎదుర్కోవచ్చు. ఐపీఎల్ 2025లో కెప్టెన్ పాట్ కమిన్స్ జట్టును వీడవచ్చనే ఊహాగానాలు వినిపిస్తున్నాయి.

సోషల్ మీడియా పోస్టుల నుంచి ఊహాగానాలు
శుక్రవారం నాడు పాట్ కమిన్స్ భార్య బెక్కీ సోషల్ మీడియా ప్లాట్‌ఫాం ఇన్‌స్టాగ్రామ్ లో ఒక కథనాన్ని పోస్ట్ చేసింది. ఆమె దేశం విడిచి వెళ్తున్నట్లు క్యాప్షన్ రాసుకొచ్చింది. కమిన్స్ భార్య తన ఇన్‌స్టాగ్రామ్ ఖాతాలో రెండు కథనాలను పోస్ట్ చేసింది. "పాట్ కమ్మిన్స్ ఎప్పుడూ ఎక్కువ సామాను తీసుకెళ్తాడు" అని ఒక పోస్టులో రాసింది. రెండో పోస్టులో "భారతదేశానికి వీడ్కోలు. ఈ అందమైన దేశానికి రావడం మాకు చాలా ఇష్టం." అంటూ కమిన్స్ భార్య ఇన్‌స్టాలో పోస్టు చేయడంతో వార్తలు వ్యాపించాయి. ఈ పోస్టు వెలువడిన తర్వాత అభిమానులు ఇప్పుడు పాట్ కమిన్స్ సన్‌రైజర్స్ హైదరాబాద్‌ను వదిలివేస్తారని ఊహాగానాలు చేస్తున్నారు. అయితే ఇందులో ఎంత నిజం ఉందో ఎవరికీ తెలియదు. ఎందుకంటే ఫ్రాంచైజ్ లేదా ఆటగాడు దీనికి సంబంధించి ఎటువంటి అప్‌డేట్ ఇవ్వలేదు.

ముంబైతో మ్యాచ్‌లో ఎస్ఆర్‌హెచ్ ఓటమి
గురువారం జరిగిన మ్యాచ్‌లో ముందుగా బ్యాటింగ్ చేసిన సన్‌రైజర్స్ హైదరాబాద్ 20 ఓవర్లలో 5 వికెట్ల నష్టానికి 162 పరుగులు చేసింది. హైదరాబాద్ తరఫున బ్యాటింగ్ చేస్తున్నప్పుడు, అభిషేక్ శర్మ 40 పరుగులు చేసి టాప్ స్కోరర్ గా నిలిచాడు. హెన్రిచ్ క్లాసెన్ 37 పరుగులు చేశాడు. ముంబై ఇండియన్స్ తరఫున బౌలింగ్ చేస్తున్నప్పుడు, విల్ జాక్స్ గరిష్టంగా 2 వికెట్లు పడగొట్టాడు. దీని తర్వాత ముంబై ఇండియన్స్ 18.1 ఓవర్లలో 6 వికెట్లు కోల్పోయి లక్ష్యాన్ని చేరుకుంది. ముంబై ఇండియన్స్ తరపున బ్యాటింగ్ చేస్తున్నప్పుడు, విల్ జాక్స్ అత్యధికంగా 36 పరుగులు చేశాడు. హైదరాబాద్ బౌలర్లలో కెప్టెన్ పాట్ కమ్మిన్స్ 3 వికెట్లు పడగొట్టాడు.