IPL 2025: పనికి రాని బ్యాటింగ్ చేశాం..

IPL 2025: ఇండియన్ ప్రీమియర్ లీగ్ 2025లో భాగంగా ఏప్రిల్ 15న పంజాబ్ కింగ్స్, కోల్‌కతా నైట్ రైడర్స్ జట్ల మధ్య ఉత్కంఠభరితమైన మ్యాచ్ జరిగింది. పంజాబ్ కింగ్స్ 16 పరుగుల తేడాతో కోల్‌కతా నైట్ రైడర్స్‌పై విజయం సాధించింది. కేకేఆర్ కెప్టెన్ అజింక్య రహానే తప్పుడు నిర్ణయం ఆ జట్టుకు భారీ నష్టాన్ని మిగిల్చింది. రహానే ఔట్ అయిన తర్వాత కేకేఆర్ బ్యాటింగ్ తడబడింది. మ్యాచ్ తర్వాత అజింక్య రహానే పంజాబ్ కింగ్స్ కెప్టెన్ శ్రేయస్ అయ్యర్‌తో మాట్లాడి తన బ్యాటింగ్ వైఫల్యంపై నిరాశను వ్యక్తం చేశాడు.

మొదట బ్యాటింగ్ చేసిన పంజాబ్ కింగ్స్ 111 పరుగులు చేసింది. అనంతరం లక్ష్యఛేదనలో కేకేఆర్ 95 పరుగులకే ఆలౌట్ అయింది. కేకేఆర్ కు మంచి ఆరంభం లభించినా.. రహానే ఔట్ అయిన తర్వాత జట్టు కోలుకోలేకపోయింది. యుజ్వేంద్ర చాహల్ అద్భుతంగా బౌలింగ్ చేసి 4 వికెట్లు పడగొట్టాడు. మ్యాచ్ తర్వాత రహానే చాలా నిరాశ చెందాడు. తన ఒక్క తప్పు వల్లే జట్టు ఓటమిని ఎదుర్కోవాల్సి వచ్చిందని రహానే చెప్పాడు. రహానే శ్రేయస్ అయ్యర్‌తో సరదాగా మాట్లాడాడు. నేను పనికి రాని బ్యాటింగ్ చేశానని.. నవ్వుతూ శ్రేయస్ అయ్యర్ తో రహానే మరాఠీలో అన్నాడు. దీనికి సంబంధించిన వీడియో సోషల్ మీడియాలో వైరల్‌గా మారింది.

పంజాబ్ కింగ్స్, కోల్‌కతా నైట్ రైడర్స్ జట్ల మధ్య మంగళవారం చంఢీగఢ్ వేదికగా మ్యాచ్ జరిగింది. లక్ష్యఛేదనలో కేకేఆర్ జట్టు 7.3 ఓవర్లలో 3 వికెట్లుకు 62 పరుగులతో మంచి స్థితిలోనే ఉంది. కానీ రహానే ఔట్ అయిన తర్వాత మ్యాచ్ మలుపు తిరిగింది. యుజ్వేంద్ర చాహల్ బౌలింగ్‌లో రహానే ఎల్బీడబ్ల్యూగా ఔటయ్యాడు. రహానే రివ్యూ కూడా తీసుకోలేదు. రహానే రివ్యూ తీసుకుని ఉంటే ఔట్ అయ్యేవాడు కాదు. రహానే వికెట్ పడిన తర్వాత కేకేఆర్ 17 పరుగుల లోపే 5 వికెట్లను కోల్పోయింది. కేకేఆర్ జట్టు స్కోరు 79 పరుగులకు 8 వికెట్లుగా మారింది. ఆండ్రీ రస్సెల్ సిక్సర్లు, ఫోర్లు కొట్టడం ద్వారా ఆశలు రేకెత్తించాడు.కానీ పంజాబ్ కింగ్స్ బౌలర్లు అర్ష్‌దీప్ సింగ్, మార్కో జాన్సెన్ చివరి రెండు వికెట్లు తీసి కేకేఆర్ ను 95 పరుగులకే ఆలౌట్ చేశారు.

ఐపీఎల్ చరిత్రలో అత్యల్ప స్కోరును పంజాబ్ కింగ్స్ 16 పరుగుల తేడాతో గెలుచుకుంది. మ్యాచ్ గెలిచిన తర్వాత పంజాబ్ కింగ్స్ ఆటగాళ్లు సంబరాలు చేసుకున్నారు. దీని తర్వాత రెండు జట్ల ఆటగాళ్లు కరచాలనం చేసుకున్నారు. ఆ సమయంలో కేకేఆర్ కెప్టెన్ రహానే శ్రేయస్ అయ్యర్ తో మాట్లాడాడు. ఆ సమయంలో రహానే ముఖంలో చిరునవ్వు కనిపించింది.

ఐపీఎల్ చరిత్రలో అత్యల్ప స్కోరును పంజాబ్ కింగ్స్ 16 పరుగుల తేడాతో గెలుచుకుంది. మ్యాచ్ గెలిచిన తర్వాత, పంజాబ్ కింగ్స్ ఆటగాళ్లు విపరీతంగా సంబరాలు చేసుకున్నారు. దీని తరువాత రెండు జట్ల ఆటగాళ్లు కరచాలనం చేసుకున్నారు. రహానే కేకేఆర్ జట్టుకు నాయకత్వం వహించాడు. అతని ముందు పంజాబ్ కింగ్స్ కెప్టెన్ శ్రేయాస్ అయ్యర్ ఉన్నాడు. రహానే అయ్యర్ తో మాట్లాడాడు, అతని ముఖంలో చిరునవ్వు కనిపించింది. మ్యాచ్ అనంతరం రహానే మాట్లాడుతూ.. "మేము చాలా పేలవంగా బ్యాటింగ్ చేశాం. పూర్తి బాధ్యత తీసుకుంటాం. ఈ మైదానంలో బౌలర్లు బాగా రాణించారు. బలమైన బ్యాటింగ్ లైనప్ ను 111 పరుగులకే పరిమితం చేశారు." అని అన్నాడు.