IPL 2023: సీఎస్కే అభిమానులకు సందేశం పంపిన జడేజా.. వీడియో వైరల్..

చెన్నై సూపర్ కింగ్స్ ఆల్ రౌండర్ రవీంద్ర జడేజా గుజరాత్, చెన్నై మ్యాచ్ కు ముందు సీఎస్కే అభిమానులకు ఓ సందేశం ఇచ్చాడు. ప్రపంచంలోనే అతిపెద్ద స్టేడియంలో MS ధోని నేతృత్వంలోని జట్టుకు మద్దతు ఇవ్వాలని గుజరాత్‌కు చెందిన CSK అభిమానులను జడేజా కోరారు. "జడ్డూ భాయ్ మీకు ఒక సందేశం ఇచ్చాడు" అని సీఎస్కే జడేజా వీడియో సందేశాన్ని ఇన్ స్ట్రా లో పోస్ట్ చేసింది.

"COVID తరువాత ఈసారి ఐపీఎల్ పూర్తి స్థాయిలో జరుగుతుంది. ఇది ఎల్లప్పుడూ గొప్ప అనుభూతి. గుజరాతీ CSK అభిమానులందరూ స్టేడియానికి వచ్చి మాకు మద్దతు ఇవ్వాలని నేను అభ్యర్థించాలనుకుంటున్నాను. విజిల్ పోడు" అని జడేజా వీడియోలో పేర్కొన్నాడు.

"మేము ఇటీవల ఇక్కడ ఆస్ట్రేలియాతో టెస్ట్ మ్యాచ్ ఆడాము. క్రికెట్ విషయానికి వస్తే అహ్మదాబాద్ అభిమానులు చాలా మక్కువ చూపుతారని గ్రహించాము. ముఖ్యంగా వారు మాకు మద్దతుగా వచ్చినప్పుడు వారు స్టేడియం లోపల వాతావరణాన్ని పూర్తిగా మార్చారు.

ఇది చాలా బాగుంది" అని అన్నాడు. ఐపీఎల్ 2023 సీజన్ కోసం జడేజాను రూ.16 కోట్లకు సీఎస్‌కే తన ఖాతాలో వేసుకుంది. జడ్డూ ఇటీవల బోర్డర్-గవాస్కర్ ట్రోఫీ ప్లేయర్ ఆఫ్ ది సిరీస్‌గా ఎంపికయ్యాడు. జడేజా 210 ఐపీఎల్ మ్యాచ్‌ల్లో 2502 పరుగులు చేసి 132 వికెట్లు తీశాడు.

IPL 2023 కోసం CSK స్క్వాడ్: డెవాన్ కాన్వే, రుతురాజ్ గైక్వాడ్, అంబటి రాయుడు, మొయిన్ అలీ, బెన్ స్టోక్స్, శివమ్ దూబే, రవీంద్ర జడేజా, MS ధోని (వికెట్ కీపర్/కెప్టెన్), డ్వైన్ ప్రిటోరియస్, దీపక్ చాహర్, సిమర్జీత్ సింగ్, అజినక్యా రహూన్, సుబ్రక్యా రహూన్, షేక్ రషీద్, నిశాంత్ సింధు, మిచెల్ సాంట్నర్, భగత్ వర్మ, తుషార్ దేశ్‌పాండే, రాజవర్ధన్ హంగర్గేకర్, అజయ్ జాదవ్ మండల్, ప్రశాంత్ సోలంకి, సిసంద మగల మరియు ఆకాష్ సింగ్.