ఆ అయిదు మిస్టేక్స్ మా కొంపముంచాయి.. ఓటమిపై అసహనం వ్యక్తం చేసిన ధోనీ

మ్యాక్స్ వెల్ బౌలింగ్‌ను టార్గెట్ చేయాలనుకోవడం..

ఆర్సీబీ బౌలర్లలో ప్రభావం చూపని బౌలర్‌గా చెన్నై బ్యాటర్లు మ్యాక్స్ వెల్‌ను భావించి అతని బౌలింగ్లో హిట్టింగ్ చేయాలని చూశారు. ఈ క్రమంలో ఉతప్ప మ్యాక్స్ వెల్ బౌలింగ్లో షాట్ ఆడేందుకు ప్రయత్నించి ఔటయ్యాడు. అలాగే అంబటి రాయుడు సైతం మ్యాక్సీ బౌలింగ్లోనే క్లీన్ బౌల్డ్ అయ్యాడు. వీరిద్దరు చాలా తక్కువ స్కోరుకే పెవిలియన్ బాట పట్టడంతో చెన్నై ఇన్నింగ్స్ గాడి తప్పింది.

మళ్లీ నిరాశపర్చిన రవీంద్రా జడేజా

బ్యాటింగ్ పరంగా పేలవ ఫామ్ కనబర్చుతున్న రవీంద్రా జడేజా మరోసారి నిరాశపరిచాడు. కీలక టైంలో బ్యాటింగ్ దిగిన జడ్డూ.. 3పరుగులకే ఔటయ్యి లోయర్ ఆర్డర్ మీద మరింత ప్రెషర్ పెంచేశాడు.

హర్షల్ పటేల్ బౌలింగ్

ఆర్సీబీ బౌలర్లలో హర్షల్ పటేల్ అద్భుతంగా బౌలింగ్ చేశాడు. అతని బౌలింగ్ ఓ స్థాయిలో పడుతుంది. ఇక చెన్నై బ్యాటర్లు హర్షల్ బౌలింగ్‌ను అంచనా వేయడంలో విఫలమయ్యారు. ఊరిస్తూ వేసిన అతని బంతులకు లొంగిపోయారు. ఈ క్రమంలో క్లిక్ అయిన మోయిన్ అలీ అతని బౌలింగ్లో హిట్టింగ్ ప్రయత్నించి ఔటవ్వడంతో చెన్నైకి బ్రేక్ పడింది. హర్షల్ 3వికెట్లు తీశాడు.

రిక్వైర్డ్ రన్ రేట్ చూసుకోకపోవడం

చెన్నై ఓపెనర్లు మంచి శుభారంభం అందించిన అనంతరం తర్వాతి బ్యాటర్లు హిట్టింగ్ చేయాల్సిన అవసరం అంతగా లేదు. రిక్వైర్డ్ రన్ రేట్ సైతం రుతురాజ్ ఔటయ్యే టైంకి 8లోపే ఉంది. ఆ కాలిక్యులేటివ్ అప్రోచ్‌తో చెన్నై బ్యాటర్లు బ్యాటింగ్ చేయలేదు. అనవసర షాట్ల కోసం ప్రయత్నించి ఔటయిపోయారు.

ప్రిటోరియస్ చెత్త బౌలింగ్

తొలుత చెన్నై బౌలింగ్ చేసినప్పుడు ప్రిటోరియస్ ధారాళంగా పరుగులిచ్చుకున్నాడు. అతను 3ఓవర్లు వేసి 42పరుగులు ఇచ్చాడు. ఓవర్‌కు సగటున 14పరుగుల చొప్పున రన్స్ ఇచ్చాడు. దీంతో ఆర్సీబీ స్కోరు ఒక 15పరుగులు ఎక్కువ చేయగలిగింది. అతను 30లోపు పరుగులు ఇచ్చి ఉంటే.. ఆర్సీబీ స్కోరు 160లోపే ఉండేది. అప్పుడు చెన్నై విజయవకాశాలు ఇంకాస్త మెరుగ్గా ఉండేవి.