మ్యాక్స్వెల్ or మలన్:
ఐపీఎల్ 2021లో వేలంలో అత్యధిక ధర పలికే ఆటగాడు ఎవరా అన్న అంశం ఉత్కంఠగా మారింది. అయితే ఐపీఎల్ 2021 వేలంలో ఎక్కువగా ఆకర్షిస్తోంది ఇంగ్లండ్ బ్యాట్స్మన్ డేవిడ్ మలనే. బిగ్బాష్ లీగ్ గత సీజన్లో పరుగుల వరద పారించడమే అందుకు కారణం. ప్రస్తుతం ప్రపంచంలోనే నంబర్వన్ టీ20 ఆటగాడైన మలన్.. ఈ సీజన్తో ఐపీఎల్లో అరంగేట్రం చేసే అవకాశాలు ఉన్నాయి. గతేడాది ఐపీఎల్లో పెద్దగా ప్రభావం చూపకపోయిన ఆస్ట్రేలియా స్టార్ ఆల్రౌండర్ గ్లెన్ మ్యాక్స్వెల్పై ఫ్రాంఛైజీలు కన్ను వేశాయి. రాయల్ చాలెంజర్స్ బెంగళూరు, చెన్నై సూపర్ కింగ్స్ అతన్ని చేజిక్కించుకోవాలని ఆసక్తి కనబరుస్తున్నాయి. ఇరు ఫ్రాంచైజీలు పోటీపడితే మాత్రం అతనిపై కోట్లు కురిసే అవకాశముంది. ఈ ఇద్దరిలో ఒకరికి అత్యధిక ధర పలికే అవకాశం ఉంది.
స్మిత్, హేల్స్ కోసం కూడా
ఇంగ్లండ్ ఓపెనర్ అలెక్స్ హేల్స్ కోసం ఫ్రాంఛైజీలు పోటీపడే అవకాశముంది. ఆసీస్ పేసర్ జే రిచర్డ్సన్, బ్యాట్ బంతితోనూ రాణించే కివీస్ ఫాస్ట్ బౌలర్ కైల్ జేమీసన్, ఆసీస్ మాజీ కెప్టెన్ స్టీవ్ స్మిత్ను దక్కించుకునేందుకు ఫ్రాంఛైజీల మధ్య పోటీ ఉండొచ్చు. ఆస్ట్రేలియా పరిమిత ఓవర్ల కెప్టెన్ ఆరోన్ ఫించ్, బంగ్లాదేశ్ స్టార్ ఆల్రౌండర్ షకిబ్లతో పాటు ముస్తాఫిజుర్ రహ్మాన్, క్రిస్ మోరిస్, జేసన్ రాయ్, మార్నస్ లబుషేన్ కూడా ఆసక్తి రేకెత్తిస్తున్నారు. అయితే గత సీజన్లలో అత్యధిక ధరకు అమ్ముడుపోయిన ఆటగాడి వివరాలు ఓ సారి పరిశీలిద్దాం.
టాప్లో ప్యాట్ కమిన్స్:
సీజన్ | ప్లేయర్ | జట్టు | ధర |
2020 | ప్యాట్ కమిన్స్ | కోల్కతా నైట్రైడర్స్ | రూ .15.5 కోట్లు |
2019 | జయదేవ్ ఉనద్కత్ | రాజస్తాన్ రాయల్స్ | రూ.8.4 కోట్లు |
వరుణ్ చక్రవర్తి | కింగ్స్ ఎలెవన్ పంజాబ్ | రూ.8.4 కోట్లు | |
2018 | బెన్స్టోక్స్ | రాజస్తాన్ రాయల్స్ | రూ. 12.5 కోట్లు |
2017 | బెన్స్టోక్స్ | రైజింగ్ పుణె సూపర్జాయింట్స్ | రూ. 14.5 కోట్లు |
2016 | షేన్ వాట్సన్ | ఆర్సీబీ | రూ. 9.5 కోట్లు |
2015 | యువరాజ్ సింగ్ | ఢిల్లీ డేర్డెవిల్స్ | రూ. 16 కోట్లు |
2015 | యువరాజ్ సింగ్ | రాయల్ చాలెంజర్స్ బెంగళూరు | రూ. 14 కోట్లు |
2013 | గ్లెన్ మాక్స్వెల్ | ముంబై ఇండియన్స్ | 1 మిలియన్ డాలర్లు |
2012 | రవీంద్ర జడేజా | చెన్నై సూపర్ కింగ్స్ | 2 మిలియన్ డాలర్లు |
2011 | గౌతం గంభీర్ | కోల్కతా నైట్రైడర్స్ కేకేఆర్ | 2.4 మిలియన్ డాలర్లు |
2010 | కీరన్ పొలార్డ్ | ముంబై ఇండియన్స్ | 0.75 మిలియన్ డాలర్లు |
షేన్ బాండ్ | కోల్కతా నైట్రైడర్స్ | 0.75 మిలియన్ డాలర్లు | |
2009 | ఆండ్రూ ఫ్లింటాఫ్ | చెన్నై సూపర్ కింగ్స్ | 1.55 మిలియన్ డాలర్లు |
కెవిన్ పీటర్సన్ | ఆర్సీబీ | 1.55 మిలియన్ డాలర్లు | |
2008 | ఎంఎస్ ధోని | చెన్నై సూపర్ కింగ్స్ | 1.5 మిలియన్ డాలర్లు |