IPL 2021 Auction:రేపే ఐపీఎల్ 2021 వేలం..ఏ టీమ్ ద‌గ్గ‌ర ఎంత డ‌బ్బు, ఎంత మంది ప్లేయ‌ర్స్ తీసుకునే ఛాన్స్ ఉందంటే?

IPL 2021 Auction: Remaining Player Slots and Available Budget of all teams

చెన్నై: ఇండియన్ ప్రీమియర్ లీగ్ (ఐపీఎల్)‌ 2021 కోసం గురువారం మధ్యాహ్నం చెన్నైలో భారత క్రికెట్ మండలి (బీసీసీఐ) మినీ వేలంను నిర్వహించనున్న విషయం తెలిసిందే. వేలంలో పాల్గొనే ఆటగాళ్ల జాబితాను బీసీసీఐ ఇటీవలే ప్రకటించింది. మొత్తం 1114 మంది ఆటగాళ్లు పేరు నమోదు చేసుకోగా.. ఆయా ఫ్రాంచైజీ యాజమాన్యాల సూచనల ప్రకారం 292 మందిని షార్ట్‌ లిస్ట్‌ చేశారు. ఇందులో 164 మంది ఇండియ‌న్ ప్లేయ‌ర్లు కాగా.. 125 మంది విదేశీ ప్లేయ‌ర్లు. ఇక మ‌రో ముగ్గురు అసోసియేట్ దేశాల ప్లేయ‌ర్లు ఉన్నారు.

అన్ని జట్లలో కలిసి 61 స్థానాలు

292 మంది ప్లేయ‌ర్స్ గురువారం త‌మ అదృష్టాన్ని ప‌రీక్షించుకోనున్నారు. అయితే వీళ్ల నుంచి 61 మంది ప్లేయ‌ర్స్‌ను మాత్ర‌మే ఫ్రాంచైజీలు తీసుకోనున్నాయి. రూ.2కోట్ల బేస్‌ప్రైస్‌ జాబితాలో హర్భజన్ సింగ్‌, కేదార్‌ జాదవ్,‌ గ్లెన్‌ మాక్స్‌వెల్‌, స్టీవ్‌ స్మిత్‌, షకీబ్ అల్ హసన్, మొయిన్ అలీ, సామ్ బిల్లింగ్స్, లియామ్ ప్లంకెట్, జాసన్ రాయ్, మార్క్ వుడ్ ఉన్నారు. అన్ని జట్లలో కలిసి 61 స్థానాలు ఖాళీగా ఉండగా.. అత్యధికంగా బెంగళూరు జట్టులో 14 స్థానాలు ఖాళీగా ఉన్నాయి. వేలం నేప‌థ్యంలో ఏ టీమ్ ద‌గ్గ‌ర ఎంత డ‌బ్బు ఉంది, ఎంత మంది ప్లేయ‌ర్స్ తీసుకునే అవ‌కాశం ఉందో చూద్దాం.