రాత్రి 8 గంటలకు ముంబై vs కోల్కతా
ఆ తర్వాత రాత్రి 8 గంటలకు ముంబై ఇండియన్స్, కోల్కతా నైట్ రైడర్స్ జట్లు తలపడనున్నాయి. ప్లేఆఫ్స్ చేరిన మూడు జట్లకు, చివరి బెర్తుకు పోటీలో ఉన్న మూడు జట్లకు ఆదివారం నాటి మ్యాచ్ ఫలితాలు కీలకం కానున్నాయి. ఈ సీజన్లో సన్రైజర్స్ అన్ని మ్యాచ్లు పూర్తయ్యాయి. దీంతో సన్రైజర్స్ మ్యాచ్ ప్లేఆఫ్కు చేరుతుందా లేదా అన్నది ముంబై-కోల్కతా మ్యాచ్ ఫలితాన్ని బట్టి ఉంటుంది.
సన్ రైజర్స్ మెరుగైన రన్రేట్
ముంబైతో జరిగే మ్యాచ్లో కోల్కతా ఓడితేనే హైదరాబాద్ మెరుగైన రన్రేట్తో ప్లేఆఫ్ బెర్త్ను ఖాయం చేసుకుంటుంది. ముంబైపై కోల్కతా గెలిస్తే మాత్రం టోర్నీ నుంచి నిష్క్రమిస్తుంది. మెరుగైన రన్రేట్ (+0.577) ఉండటం సన్రైజర్స్కు కలిసొచ్చే అంశం. ఒకవేళ చెన్నైపై పంజాబ్ గెలిచినా నెట్ రన్రేట్ (-0.351) బాగా తక్కువ ఉన్న నేపథ్యంలో సన్రైజర్స్ ముందంజ వేసే అవకాశం ఉంది.
టాప్-2లో ముగించిన జట్లకు ప్లేఆఫ్ దశలో
మరోవైపు లీగ్ దశలో టాప్-2లో ముగించిన జట్లకు ప్లేఆఫ్ దశలో ఒక మ్యాచ్ ఓడినా, ఫైనల్ చేరేందుకు మరో అవకాశం ఉంటుంది. కాబట్టి కోల్కతాపై నెగ్గి టాప్-2లో చోటు సంపాదించాలనేది ముంబై లక్ష్యం. ఇప్పటికే ఆ జట్టు నెట్ రన్రేట్ (+0.321).. టాప్-2లో ఉన్న చెన్నై (+0.209), ఢిల్లీ క్యాపిటల్స్ (+0.044) కన్నా మెరుగ్గా ఉంది.
18 పాయింట్లతో చెన్నై అగ్రస్థానంలో
కాబట్టి ఆదివారం కోల్కతాతో జరిగే మ్యాచ్లో ముంబై నెగ్గితే టాప్-2లో తప్పకుండా చోటు దక్కించుకుంటుంది. ప్రస్తుతం 18 పాయింట్లతో చెన్నై అగ్రస్థానంలో ఉంది. దీంతో పంజాబ్పై నెగ్గి 20 పాయింట్లతో లీగ్ను టాప్-1లో ముగించాలని చెన్నై లక్ష్యంగా పెట్టుకుంది. ఆదివారం ముంబై గెలిచి, చెన్నై ఎక్కువ తేడాతో ఓడిపోతే మూడో స్థానానికి పడిపోయే అవకాశం ఉంది.
1. CSK [13-9-4-0-18/+0.209]
2. DC [14-9-5-0-18/+0.044]
3. MI [13-8-5-0-16/+0.321]
4. SRH [14-6-8-0-12/+0.577]
5. KKR [13-6-7-0-12/+0.173]
6. RR [14-5-8-1-11/-0.449]
7. RCB [14-5-8-1-11/-0.607]
8. KXIP [13-5-8-0-10/-0.351]