గంభీర్‌ లేని ఢిల్లీ ఎప్పటికీ ఐపీఎల్‌ టైటిల్‌ నెగ్గదు: ట్విట్టర్‌లో ఫ్యాన్స్

ఢిల్లీ కోసం వస్తే వదులుకుంటారా?

ఐపీఎల్‌లో కోల్‌కతా జట్టును రెండు సార్లు ఛాంపియన్‌గా నిలిపిన గౌతమ్ గంభీర్‌ను వదులుకోవడంపై అభిమానులు ఢిల్లీ ఫ్రాంఛైజీపై ఆగ్రహం వ్యక్తం చేస్తున్నారు. కెప్టెన్‌గా కోల్‌కతాకు రెండు సార్లు టైటిల్‌ అందించిన గంభీర్‌.. ఢిల్లీ కోసం వస్తే వదులుకుంటారా? అని ఓ నెటిజన్ ట్వీట్ చేశాడు.

గంభీర్‌ లేని ఢిల్లీ జన్మలో ఐపీఎల్‌ టైటిల్‌ నెగ్గదు

గంభీర్‌ లేని ఢిల్లీ జన్మలో ఐపీఎల్‌ టైటిల్‌ నెగ్గదని, ఇదో పిచ్చి నిర్ణయం అంటూ మరొక నెటిజన్ కామెంట్‌ పోస్టు చేశాడు. గతేడాది జనవరిలో జరిగిన ఐపీఎల్ వేలంలో గంభీర్‌ను ఢిల్లీ డేర్ డెవిల్స్ ఫ్రాంచైజీ రూ. 2.80 కోట్లకు కొనుగోలు చేసింది. కోల్‌కతా జట్టుని రెండుసార్లు ఐపీఎల్ టైటిల్ విజేతగా నిలబెట్టడంతో పాటు టీ20ల్లో ఫామ్‌ను చూసి ఢిల్లీ ఫ్రాంఛైజీ గంభీర్‌ను జట్టు కెప్టెన్‌గా కూడా ప్రకటించింది.

గంభీర్‌పై ప్రాంఛైజీ ఎన్నో ఆశలు పెట్టుకోగా

గత సీజన్‌లో గంభీర్‌పై ప్రాంఛైజీ ఎన్నో ఆశలు పెట్టుకోగా.. ఆ ఆశలను గంభీర్ వమ్ము చేశాడు. దీంతో సీజన్ మధ్యలోనే గంభీర్‌ను కెప్టెన్సీ నుంచి తప్పించింది. గత సీజన్‌లో గంభీర్ అటు అభిమానులతో పాటు ఫ్రాంఛైజీని పూర్తిగా నిరాశపరిచిన సంగతి తెలిసిందే. గత సీజన్‌లో మొత్తం ఆరు మ్యాచ్‌లాడిన గంభీర్ కేవలం 85 పరుగులు చేశాడు.

గత సీజన్‌లో 6 మ్యాచ్‌లాడి 85 పరుగులు చేసిన గంభీర్

గత సీజన్‌లో ఢిల్లీ డేర్‌డెవిల్స్.. పంజాబ్‌‌తో ఆడిన తొలి మ్యాచ్‌లో హాఫ్ సెంచరీతో రాణించిన గంభీర్ ఆ తర్వాత ఆడిన ఐదు మ్యాచ్‌ల్లో కేవలం 30 పరుగులు మాత్రమే చేశాడు. దీంతో గత సీజన్‌లో మొత్తం 6 మ్యాచ్‌లాడిన గంభీర్ చేసింది కేవలం 85 పరుగులు మాత్రమే. ఆ తర్వాత గంభీర్‌ను కెప్టెన్సీ నుంచి తప్పించి అతడి స్థానంలో యువ ఆటగాడు శ్రేయాస్ అయ్యర్‌కి ప్రాంఛైజీ పగ్గాలు అప్పగించింది.